1 SAMUELA 17:52 - Jinghpaw Hanson Version Bible

⁵² Shaloi she Israela masha ni hte Yuda masha ni rawt nna, garu let, Hpilisti masha ni hpe Gat hte Ekron mare chyinghka du hkra hkan shachyut mu ai. Hpilisti masha ni a hkala nba hkrum ai ni gaw, Sharim lam makau kaw nna, Gat hte Ekron du hkra si taw nga ma ai.

Jinghpaw Common Language Bible 2009

⁵² Israela hte Yuda masha ni jahtau garu let shanhte a hpang hkan nang nhtawm Gat hte Ekron mare chyinghka hkan du hkra, lam dingyang hkan shachyut ma ai. Hpilisti masha ni hta na hkala hkrum ai ni mung Sharim kaw nna Gat hte Ekron du hkra lam yan ting hta kadawng taw nga ma ai.

1 SAMUELA 17:52 ပူးပေါင်းရင်းမြစ်များ

2 SAMUELA 23:10

dai wa gaw shi a lata tsu mat nna, nhtu hta madi shadaw let ba mat hkra, Hpilisti masha ni hpe sat kau wu ai: Yehowa gaw dai shani e padang kaba dang kau shangun wu ai: gale ni chyawm gaw lanep hta na chyu sha shi kaw hkan ma ai.

1 HKAWHKAM 20:21

Israela hkawhkam mung pru wa nhtawm, gumra ni hpe mung, leng jawn ai ni hpe mung sat kau mu ai hte, Suri masha ni hpe nhtum nni sat shaza kau mu ai.

YAWSHU 15:11

Ekron lahta e byawn; bai dai kaw nna, Shikeron hku hprang, Bala bum hkrawn, Yabnela e byawn rai nna Nammukdara e htuk rai nga ai.

TARA AGYI 7:23

Israela masha ni mung, Naphtali, Ashe hte Manashe ting ga hkan na zup sa wa nna, Midian masha ni hpe shachyut nga ma ai.

1 SAMUELA 17:53

Israela masha ni chyawm gaw Hpilisti masha ni hpe hkan shachyut ai kaw na bai wa nna, shanhte a dap na rai ni hpe magawn la mu ai.

1 SAMUELA 5:10

Bai, Karai Kasang a sumpu hpe, Ekron de shagun dat mu ai. Karai Kasang a sumpu Ekron de du jang, Ekron masha ni gaw, “Anhte hte anhte a masha ni hpe sat kau na matu, Israela Karai Kasang a sumpu la sa wa marin hka i,” nga nna jahtau let tsun ma ai.

1 SAMUELA 5:8

Dai re ai majaw shanhte Hpilisti du ni nlang hpe shaga nna, Israela Karai Kasang a sumpu ndai hpe kaning di na rai ta?” nga nna san ma ai. Shanhte gaw, “Israela Karai Kasang a sumpu dai hpe, Gat mare de sa tawn da mu,” ngu nna htan mu ai. Dai hte maren shanhte Israela Karai Kasang a sumpu, dai de sa tawn da mu ai.