1 SAMUELA 17:4 - Jinghpaw Hanson Version Bible

⁴ Shaloi Hpilisti dap na dawng kru e lahkam mi tsaw ai, Gat mare na Goliat ngu ai share langang langai mi pru sa wa ai.

Jinghpaw Common Language Bible 2009

⁴ Gat mare na Goliat mying ai wa gaw Hpilisti dap kaw na pru wa wa rai nhtawm, Israela amyu masha ni hpe grang dakat wu ai. Shi gaw pe 9 jan tsaw nna pawng 125 li ai

1 SAMUELA 17:4 ပူးပေါင်းရင်းမြစ်များ

1 HKAWHKAM LABAU 11:23

Hkum shing-yan dawng manga tsaw ai Egutu masha langai mi hpe mung shi sat kau wu ai: dai Egutu masha a lata hta dahkaw daram kaba ai ri numdu lang nga timung, Benaia gaw dawhkrawng sha lang let, sa wa nna, Egutu masha a lata na ri kashum la nhtawm, dai ri hte shi hpe sat kau wu ai.

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

YAWSHU 11:22

Israela kashu kasha ni a mungdan hta naw ngam ai Anak masha ngu na langai mi muk n nga sai: Gaza, Gahta, Ashdod mare ni hta sha nga sai.

1 SAMUELA 17:23

Ya shanhte hte shaga nga yang, Hpilisti masha ni a share langang, Gat mare na Goliat ngu ai wa, Hpilisti dap na pru nna, shawng na zawn sa dakat nga ai: dai hpe Dawi e na wu ai.

1 SAMUELA 17:3

Shing rai Hpilisti masha ni, maga mi de na kawng hta, Israela masha ni, maga mi de na kawng hta tsap nga nna, shanhte a lapran e hkaraw din nga ai.

1 SAMUELA 17:5

Dai wa gaw, magri gup du ru gup nna, magri palawng hpun wu ai; dai palawng gaw, magri shekela hkying manga li ai rai lu ai.

1 SAMUELA 27:4

Shing rai Dawi gaw Gat mare de hprawng mat wa ai lam, Shawlu hpe sa tsun mu ai: dai rai nna htawm hpang de shi hpe n tam nu ai.