1 SAMUELA 17:34 - Jinghpaw Hanson Version Bible

³⁴ Bai Dawi gaw, “Na a mayam nye wa a sagu ni rem nga ai shaloi, hkanghkyi atsap sa nna, sagu hpung na sagu kasha la sha mat wa yang,

Jinghpaw Common Language Bible 2009

³⁴ Dawi gaw Madu hkawhkam wa e, ngai gaw nye wa a sagu ni hpe rem ai wa rai nngai. Hkanghkyi hte tsap langai ngai sagu kasha sa hpai mat wa shagu,

1 SAMUELA 17:34 ပူးပေါင်းရင်းမြစ်များ

NINGPAWT NINGHPANG 31:39

Rai matse e kawa sat ai hpe nang hpang de n la wa ai; ngai a sum kau nngai; shani e lagu shamat ai mung, shana e lagu shamat ai mung, nang kaw malai hpyi la la rai ndai.

2 SAMUELA 17:8

nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

2 SAMUELA 23:20

Bai Kabazela mare kaw na, share re ai Yehoiada kasha Benaia mung lawm nga ai; dai wa galaw ai magam amu kaba gaw Moba masha Ariela a shadang sha lahkawng hpe sat kau wu ai: hkyen htat ai nshung ta aten e, nhkun de shang nna hkanghkyi hpe sat kau wu ai.

1 HKAWHKAM LABAU 11:22

Bai Kabzela shara na, nden ja ai myit hte magam amu kaba shachyen chye ai Yehoiada a kasha Benaia gaw, rai nga ai: shi gaw Moba masha Ariela a shadang sha yan hpe sat kau wu ai: dai hta kaga shi gaw nshung ta e lungpu ka-ang de shang nhtawm, hkanghkyi langai mi hpe sat kau wu ai.

SHAKAWN KUNGDAWN 143:5

Shawoi na nhtoi ni ngai dum nga nngai; Na a bungli yawng hpe ngai myit yu nga nngai: Na a lata a magam hpe, ngai aru yu nga nngai.

EZEKELA 34:12

Sagu rem wa gaw, bra nga ai sagu ni hpe hkan tam shakut ai hte maren, ngai mung nye a sagu ni hpe hkan tam na nngai: lamu mu nna sin ai shani e, shanhte bra wa ai shara shagu hkan na, ngai shanhte hpe shaw woi wa na nngai.

AMO LAIKA (AMOS) 3:12

Yehowa ning nga ai: Sagu rem wa gaw hkanghkyi a n-gup na lagaw lahkawng, shing n rai, na daw mi sha gare la lu ai zawn, Samari mare hta yup ku jut e dung nna, Damasku panep ntsa e hkrawn taw nga ai Israela kashu kasha ni gaw, gare la ai hkrum na mara ai.

ZEHKARIA 11:16

kaning rai nme law, yu u, ndai mungdan hta sagu rem wa langai mi hpe ngai paw pru shangun na nngai: Dai wa gaw lam yit ai ni hpe n yu, bra mat ai ni hpe n tam, machyi ai ni hpe n shamai, hkam kaja ai ni hpe ushat n jaw ai sha, hpum sau ai ni hpe shi sha kau nna, de a lahkru ni hpe malaw kau na ra ai.

ZEHKARIA 9:7

Shi lu ai sai hpe, shi a n-gup na, shi sha ai matsat shabat shan hpe, shi a wa lapran na, ngai shaw kau nna shi nan anhte a Karai Kasang a matu, naw ngam nga ai ni zawn, tai na ra ai: shi gaw Yuda amyu hta du zawn tai lu nna, Ekron gaw Yebusi masha zawn tai na ra ai.

LUKA 2:8

Ya dai ginwang e sagu rem ai masha, urawng udat hkan e nga ma ai rai nna, shanhte a sagu hpung hpe shana na ahkying ladaw ni hta sin nga ma ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

ROMA 5:4

shakut sharang ai gaw myit marai ai, myit marai ai gaw myit mada ai shabyin nga ai hpe, anhte chye ga ai:

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai:

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.

TARA AGYI 14:6

Shaloi shi a lata hta hpa n lang timung, Yehowa Wenyi shi hta aja awa du nna, bainam kasha gang je kau ai zawn di nna, hkanghkyi dai hpe gang je kau wu ai: shi galaw ai lam kanu kawa hpe mung n tsun dan wu ai.

1 SAMUELA 17:15

Ya Dawi gaw, Betlehem de kawa a sagu mung wa rem, Shawlu kaw mung sa rai nna, dinghtan nga ai.

1 SAMUELA 17:33

Shawlu gaw, “Nang dai Hpilisti masha hpe n sa gasat lu law; nang ma sha naw rai nga ndai; dai wa gaw, kaji kaw nna majan gun man sai,” ngu nna Dawi hpe tsun wu ai.

1 SAMUELA 17:35

ngai hkan shachyut nna, sagu kasha hpe shi a n-gup na shaw la we ai: ngai e htim kawa wa yang, shi amun hta magra shadang nna, kayat sat kau we ai.