1 SAMUELA 17:12 - Jinghpaw Hanson Version Bible

¹² Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.

Jinghpaw Common Language Bible 2009

¹² Dawi gaw Ehprat ngu ai Yuda mung Betlehem mare hta nga ai Yese a kasha rai nga ai. Yese gaw kasha matsat lu ai rai nna Shawlu hkawhkam a lakhtak e shi gaw grai dingla ugut gu nga sanu ai.

1 SAMUELA 17:12 ပူးပေါင်းရင်းမြစ်များ

NINGPAWT NINGHPANG 35:19

Shaloi Rahkela si mat nna Betlehim ngu ai Ehprat de sa ai lam makau e, shi hpe lup makoi mu ai.

2 SAMUELA 23:1

Da ndai gaw hpang jahtum ngu na Dawi a ga madat rai nga ai. Yaku amyu a Karai Kasang a ahkang hte namman jaw hkam nna, N-grau magam tai wa ai, Israela amyu hta ningtam rawng ai laka wa ngu ai, Yese a kasha Dawi tsun ai gaw:

SHAKAWN KUNGDAWN 132:6

Dai gaw Ehpra hta e nga nga ai, anhte na ga timung, Yaara prang ga e, dai hpe mu lu sagaw ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

MAHTE 1:6

Yese gaw Dawi hkawhkam hpe shaprat wu ai; Dawi gaw Uria a madu jan ngu na hta, Shawlumon hpe shaprat wu ai;

MAHTE 2:1

Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna,

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

RUHTA 1:2

Dai wa a amying gaw Elimelek, madu jan a amying gaw Naomi, kasha yan a amying gaw Malon hte Hkilion rai ma ai: shanhte gaw Yuda mung Betlehem na Ehprahta masha rai ma ai; shaloi shanhte Moba mung du nna, dai de nga nga ma ai.

RUHTA 4:17

Shi a htingbu jan ni mung, “Naomi shadang sha lu nu ai,” nga ma ai rai nna, ma dai hpe Obed, ngu shamying mu ai: dai wa gaw, Dawi a kawa Yese hpe shaprat wu ai.

RUHTA 4:22

Obed a kasha Yese; Yese a kasha Dawi, rai nga ma ai.

1 SAMUELA 1:1

Ya Ehprim masha, Zuhpa, Tohu, Elihu, Yeroham kaw nna prat hkrat wa ai, Ehprim bum ga, Ramahtim zohpim mare na, Elakana ngu ai wa langai mi nga ai:

1 SAMUELA 16:1

Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

1 SAMUELA 16:18

Shaloi shabrang langai mi tsun ai gaw, “Betlehem masha Yese a kasha langai mi gaw ngai mu yu se ai; dai wa gaw tingse dum shapyaw chye ai hte, nden ja nna majan gasat kung ai wa, mungga hpaji rawng nna ahpraw tsawm ai wa rai nga ai; Yehowa mung shi hte rau nga nga ai;” ngu nna tsun dan wu ai.

1 SAMUELA 17:11

Dai Hpilisti wa dakat ai ga, Shawlu hte Israela masha ni na ma yang, shanhte gaw myit htum nna grai hkrit ma ai.

1 SAMUELA 17:58

Shing rai, Shawlu gaw, “Shabrang wa e, nang gade a kasha rai n ta?” ngu nna san wu yang, Dawi gaw, “Ngai gaw, na a mayam, Betlehem masha Yese a kasha rai nngai,” ngu nna htan wu ai.