1 SAMUELA 16:7 - Jinghpaw Hanson Version Bible

⁷ Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.

Jinghpaw Common Language Bible 2009

⁷ Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.

1 SAMUELA 16:7 ပူးပေါင်းရင်းမြစ်များ

NINGPAWT NINGHPANG 4:5

Ka-in hte shi a hkungga hpe chyawm gaw shi sawn ya wu ai n rai. Dai rai nna Ka-in gaw ja ja pawt bu ai hte myi man sum nga lu ai.

2 SAMUELA 14:25

Ya Israela amyu ting hta Absalom zawn ahpraw tsawm nna shakawn hkam la ai wa langai mi muk n nga ma ai. Lagaw lahpan kaw nna baw pungding hkren, za ai shara langai mi muk n nga ai.

2 SAMUELA 7:20

Dawi chyawm gaw hpa mi naw jat tsun lu sata? Yehowa Madu e, na a mayam wa hpe nang chye nga ndai.

1 HKAWHKAM 8:39

nang gaw sumsing lamu e nga ai, na shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna htang ya mu; nang chyu sha shinggyim masha ni a myit masin hpe chye ya nga ndai.

1 HKAWHKAM LABAU 17:18

Nang gaw, na a mayam Dawi hpe madun dan ai arawng sadang lam, ngai nang hpe hpa naw tsun lu na rai nga a ta? nang gaw na a mayam wa hpe chye nga ndai.

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

2 HKAWHKAM LABAU 16:9

Kaning rai nme law, Yehowa gaw, dinghpring ai ni a matu, ngang ai shingbyi shara tai na nga, shi a myi mungkan ting hproi hkra mada yu nga ai: nang chyawm gaw ndai lan hta ngawk ai hku galaw kau nu ai; dai majaw ya kaw nna hpyen majan a pru nga na sai, ngu wu ai.

2 HKAWHKAM LABAU 6:30

nang gaw sumsing lamu e nga ai na a shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna, htang ya mu; nang chyu sha shinggyim masha ni a myit masin hpe chye ya nga ndai.

YOBA 10:4

Nang gaw dinghta myi tu nni? Shinggyim masha mu de nna mu nni?

YOBA 35:5

Sumsing lamu de mada yu nna, nang hta grau tsaw ai sumwi ni hpe azi yu u.

SHAKAWN KUNGDAWN 139:2

Ngai dung nga ai hte rawt wa ai gaw nang chye nga ndai: Ngai myit mang ai hpe mung, Tsan tsan kaw nna pyi nang chye nga ndai.

SHAKAWN KUNGDAWN 7:9

Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

GA SHAGAWP 15:11

Katsan ga hte Sung htum ai shara gaw, Yehowa man e dan leng nga ai; Dai hta grau nna shinggyim masha a myit shi a man e dan leng na ra ai.

GA SHAGAWP 16:2

Masha a man e tinang lam yawng san pra nga ai; Yehowa chyawm gaw wenyi hpe shen yu nga ai.

GA SHAGAWP 24:12

“Anhte n chye ga ai,” nga timung Myit masin hpe shen yu ai wa gaw, n matsing na a ni? Na a wenyi hpe bau sin ai wa gaw, n chye na rai ni? Masha langai hte langai hpe, tinang amu hte maren, htang jaw na, n rai ni?

GA SHAGAWP 31:30

Hkum shing-yan tsawm ai gaw hkalem ai rai nga ai; Hpraw tsawm ai gaw kaman lila rai nga ai. Yehowa hpe hkrit hkungga ai num chyawm gaw, shakawn ging ai num rai nga ai.

YEREMIA 11:20

Kraw lawang hte myit masin hpe manaw yu nna, dinghpring ai hku dawdan ai, Zaw nawng zaw wa up ai Yehowa e, nang shanhte hpe matai dawp ai lam, ngai mu lu na nngai: nye a amu ngai nang hpe sa shawk ni ai.

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

YEREMIA 20:12

Dinghpring ai ni hpe dinglik yu nna, myit masin hte kraw lawang hpe chye lu ai, Zaw nawng zaw wa up ai Yehowa e, nye a amu hpe na a man e ngai shapraw dan ai majaw, nang shanhte hpe matai dawp ai lam, ngai mu lu n ga.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

YAWHAN 7:24

Myi man tau nna hkum jeyang myit, dingman ai hku she jeyang mu,” ngu nna shanhte hpe htan mu ai.

YAWHAN 8:15

Nanhte gaw hkum shan lam hku sha dawdan myit dai; ngai gaw kadai hpe mung n dawdan nngai.

KASA 1:24

Shing rai shanhte akyu hpyi ma ai gaw, “Yawng mayawng a myit masin chye chyang ai Madu e, Yuda gaw shi hte seng ai shara de wa mat na nga,

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

2 KORINHTU 10:7

Nanhte gaw myi man sha yu matsing myit dai. Ngai gaw Hkristu hta e rai nga nngai, nga nna langai ngai myit da a yang gaw, shi nan Hkristu hta e rai nga ai hte maren, anhte mung rai nga ga ai, tinang hkum dai myit dum nga u ga.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

1 PETRU 3:4

Karai Kasang a man e hpu ging ai, myit masin hta makoi nga ai masha ngu ai, hten byak n chye ai, amu sha hte sumnung nga ai wenyi a lam hta, mawn sumli nga mu.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

1 SAMUELA 2:3

Grang dagat ai ga hkum tsun manit, Tinang n-gup na gumrawng ai gaw hkum shapraw manit: Yehowa chye ningchyang Karai rai nga ai, Amu lam magup hpe shen yu nga ai.

1 SAMUELA 9:2

Shi gaw shadang sha langai mi lu ai rai nna, shi a amying Shawlu rai lu ai: dai wa gaw ahpraw tsawm ai hte n-grau ai wa rai nga ai; Israela kashu kasha ni yawng hta dai wa zawn ahpraw rawng ai langai mi muk n nga ma ai: masha yawng shi a lahpa nhtawng ai hkrai rai ma ai.