1 SAMUELA 16:5 - Jinghpaw Hanson Version Bible

⁵ Shi gaw, “Ngwipyaw lam hte hpawn, Yehowa hpe hkungga jaw na du ring ngai; tinang hkum shachyoi shapra nna, ngai hte rau hkungga poi shang na sa marit,” wu ai. Yese hte shi a kasha ni hpe mung shi shachyoi shapra nna, hkungga poi de shaga mu ai.

Jinghpaw Common Language Bible 2009

⁵ Shi gaw, “Rai nga nngai, dai Madu hpe shagu hkungga nawng jau ya na matu du sa ring ngai. Nanhte a hkum ni jasan jaseng kau nhtawm ngai hte rau sa ga,” ngu nna htan wu ai. Shi gaw Yese hte shi a shadang sha ni hpe mung shanhte a hkum ni hpe jasan jaseng kau nhtawm shagu hkungga nawng ya ai de sa na matu shaga wu ai.

1 SAMUELA 16:5 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku gaw shi a nta masha ni hte shi kaw nga ai ni mahkra hte hpe, Nanhte lu ai hpara tsasam ni hpe shapraw kau mu; tinang hkum tinang shachyoi shapra nna hpun palawng galai mu.

1 HKAWHKAM 2:13

Dai shaloi e Hagit a Kasha Adoniya gaw Shawlumon a kanu Batsheba hpang de sa wu ai. Batsheba gaw, “Nang ngwipyaw lam hte sa n ni?” ngu nna san wu yang, Shi gaw, “Ngwipyaw hte sa nngai,” ngu nna htan wu ai.

1 HKAWHKAM LABAU 12:18

Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, “Nang hta ngwi ngwipyaw pyaw rai nga u ga law; Nang hpe karum ai ni mung ngwipyaw nga mu ga law,” ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai.

YOBA 1:5

Poi sha ngut ai nhtoi ni lai jang, Yoba gaw shaga la nna, shanhte hpe shachyoi shapra nhtawm, jahpawt jau jau e rawt nna, shanhte a nambat gu hkra, wan nat hkungga nawng ya ya re ai: kaning rai nme law, ngai sha ni gaw shut hpyit nna, tinang a myit hta Karai Kasang hpe kau da masai nhten, nga nna Yoba myit la nga ai. Yoba gaw dai lam tutnawng a galaw nga ai.

PRU MAT 19:10

Dai rai nna Yehowa gaw Mawshe hpe, Dai amyu masha ni hpang de yu wa nna, dai ni, hpawt ni nhtoi hta shanhte shachyoi shapra nna, shanhte a hpun palawng hkrut shangun u;

YOELA 2:16

mung masha ni hpe jahpawng mu, shawa hpung hpe shachyoi shapra mu; dingla ni hpe jahpawng mu; ma kaji ni hte chyu chyu ai ni hpe hpawng shangun mu: la ningnan wa gaw shi a gawk kaw na, num ningnan gaw shi shim ai shara kaw na, pru mu ga.

ZEHPANI 1:7

“Madu Yehowa man e asim sha nga u; Yehowa a nhtoi du magang ra ai: Yehowa gaw shagu hkungga nawng na poi shachyip da nna, lawm ai ni hpe san da nu ai.

BU HKAWM 11:8

Amyu masha ni gaw dai sa tam magawn la nna, htumrin hta rin ai gaw rin, kaihtum hta htu ai gaw htu rai nhtawm dibu hta shadu nna muk pa galaw ma ai: dai gaw namman katsing zawn nga mu nga ai.

1 KORINHTU 11:28

Dai majaw kadai wa mung tinang hkum hpe san dinglik yu nhtawm, dai muk hta e sha u ga, dai gawm hta na mung lu u ga.

YAWSHU 3:5

Bai Yawshu gaw amyu masha ni hpe, “Yehowa hpawt ni e nanhte hta mauhpa amu madun na ra ai majaw, nanhte a hkum dai shachyoi shapra da mu,” ngu wu ai.

YAWSHU 7:13

Rawt u, amyu masha ni hpe shachyoi shapra u; hpawt ni nhtoi a matu tinang hkum hpe shachyoi shapra mu, ngu nna tsun u: kaning rai nme law, Israela Karai Kasang Yehowa tsun ai gaw, Israela amyu e, machyai kau sai rai nanhte hta rawng nga ai; dai hpe nanhte a kata na n seng kau dingsa masha hpyen ni a man e nanhte tsap lu na myit dai n rai.

1 SAMUELA 20:26

Rai timung Shawlu gaw, “Lama ma ra nu ai; shi n san n seng sai; gaja wa n san n seng nu ai,” nga nna myit la nhtawm, dai shani e atsin sha nga nga ai.