1 SAMUELA 16:3 - Jinghpaw Hanson Version Bible

³ Yese hpe mung hkungga jaw ai de shaga u; dai yang nang kaning rai galaw na ngai madun na de ai; ngai amying gang nna shapraw dat ai wa hpe, nye a matu namman chya u,” ngu wu ai.

Jinghpaw Common Language Bible 2009

³ Yese hpe mung hkungga nawng jau ai de shaga u; nang kaning rai galaw na lam ngai tsun dan na de ai. Ngai nang hpe tsun dan ai masha wa hpe hkawhkam aya dang ya na matu namman jaw ya na rai ndai,” ngu nna htan wu ai.

1 SAMUELA 16:3 ပူးပေါင်းရင်းမြစ်များ

2 SAMUELA 15:11

Yerusalem mare na mung, Absalom shi hte rau marai ni tsa woi saw pru wa mu ai; shanhte chyawm gaw hpa re ai mung n chye nna, myit kaja hte hkan nang ma ai.

1 HKAWHKAM 1:34

dai shara hta e hkinjawng Zadok yan myihtoi Nahtan gaw, shi hpe Israela hkawhkam shatai na matu, namman chya ya mu ga: pahke dum let, hkawhkam Shawlumon gaw ahkrung nga u ga law,” ngu nna tsun mu;

1 HKAWHKAM LABAU 11:3

Shing rai, Israela agyi salang ni yawng, Hebron mare de Hkawhkam wa kaw sa du nna, Dawi gaw Hebron mare hta e, Yehowa a man e shanhte hte ga shaka tawn da nhtawm, shanhte gaw, Samuela a n-gup hta Yehowa tsun da ai hte maren, Israela hkawhkam tai na matu, Dawi hpe namman chya ya mu ai.

PRU MAT 4:15

Nang shi hte shaga nna ndai ga shi a n-gup hta hti bang ya na rai ndai; shing rai ngai gaw na n-gup hta mung, shi a n-gup hta mung rawng nga nna, nan kaning ngu tsun na gaw sharin ya na made ai.

KASA 9:6

rai timung, rawt u, mare de shang wa u; nang galaw lu na lam nang hpe tsun dan shangun na we ai,” nga nna htan wu ai.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.