1 SAMUELA 16:1 - Jinghpaw Hanson Version Bible

¹ Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

Jinghpaw Common Language Bible 2009

¹ Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 16:1 ပူးပေါင်းရင်းမြစ်များ

1 HKAWHKAM 8:16

nga nna nye wa Dawi hpe n-gup ga hte tsun nhtawm shi a lata hte ga dai hpe shadik ya ai Israela Karai Kasang Yehowa gaw, a nga u ga law.”

2 HKAWHKAM 9:1

Dai shaloi myihtoi Elisha gaw, myihtoi ma ni hta na langai mi hpe shaga la nna, “Shingkyit kyit u; ndai namman tau lang nna Ramot-gilead de sa wa su.

2 HKAWHKAM 9:3

dai namman tau la nna, shi a baw hta ru bun let, Yehowa ning nga ai: ‘Nang Israela hkawhkam tai na matu, ngai nang hpe namman chya ya sade ai,’ nga nna tsun ngut jang, hpa n hkring nga ai sha, chyinghka hpaw nna gat sa su,” ngu dat wu ai.

2 HKAWHKAM 9:6

Shaloi shi rawt nna nta nhku de shang wa yang, myihtoi ma gaw shi a baw ntsa e namman ru bun let, Israela Karai Kasang Yehowa ning nga ai: “Nang gaw Yehowa a amyu, ngu ai, Israela amyu ntsa e hkawhkam tai na matu, nang hpe namman chya ya ni ai.

1 HKAWHKAM LABAU 11:3

Shing rai, Israela agyi salang ni yawng, Hebron mare de Hkawhkam wa kaw sa du nna, Dawi gaw Hebron mare hta e, Yehowa a man e shanhte hte ga shaka tawn da nhtawm, shanhte gaw, Samuela a n-gup hta Yehowa tsun da ai hte maren, Israela hkawhkam tai na matu, Dawi hpe namman chya ya mu ai.

1 HKAWHKAM LABAU 28:4

“Shing nga timung, Ngai Israela amyu ntsa e prat dingsa e hkawhkam tai na nga Israela Karai Kasang Yehowa nan, nye wa nta na ngai hpe lata la ni ai; kaning rai nme law, agyi amyu tai na matu Yuda amyu hpe shi lata la wu ai: Yuda amyu hta nye wa nta hpe mung, Israela amyu yawng a ntsa e up na matu, nye wa a shadang sha ni hta shi ngai hpe sharawng awng ni ai:

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

YEREMIA 11:14

Nang mung, ndai amyu masha ni a matu akyu hkum hpyi et; shanhte a matu mara hkum hpyi jahtau et; ruyak hkrum ai majaw, shanhte shabam ai ga hpe ngai n madat na nngai.

YEREMIA 15:1

Bai Yehowa ngai hpe tsun ai gaw, Mawshe yan Samuela pyi nye a man e tsap timung, ndai amyu hpe ngai matsan dum na, n rai: ngai kaw na shanhte hpe shaden kau mu; shanhte pru wa mu ga.

YEREMIA 6:30

Yehowa shanhte hpe kau da ai majaw, kau da mai ai gumhpraw,” ngu nna shanhte hpe shamying na ra ai.

YEREMIA 7:16

“Nang mung, ndai amyu masha ni a matu akyu hkum hpyi et; shanhte a matu mara hkum hpyi jahtau et; shanhte a matu ngai hpe hkum tawngban et; ngai na a ga madat na n rai.

ZEHKARIA 4:14

Dai rai nna shi gaw, ‘Dai lakung yan gaw, mungkan ting a Madu man e tsap nga ai, namman chya hkam ai yan, rai nga ma ai,’ nga ai.”

ROMA 15:12

Bai Esaia gaw, Yese kaw nna kying ai ru npawt hte, Maigan amyu ni hpe up na paw pru ai wa rai na ra ai: Dai wa hpe maigan amyu ni myit mada na mara ai,” nga ai.

HEBRE 11:32

Dai hta kaga ngai hpa naw tsun na rai ta? kaning rai nme law, Gidon, Barak, Samson, Yephta, Dawi, Samuela hte hte myihtoi ni a lam hkai dan na nga yang, nye a aten n dang law nga ai:

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.

1 SAMUELA 10:1

Shaloi Samuela gaw, namman tauba la nna, Shawlu a baw e jaw bun nhtawm shi hpe pup nna, “Yehowa gaw, shi a Sali amyu a du tai na matu, nang hpe namman chya ya nit dai, n rai ni?

1 SAMUELA 15:11

shi myit yit mat wa nna nye a hpang n hkan ai hte ngai hkang da ai ga n shatup nu ai,” ngu wu ai.

1 SAMUELA 15:23

n madat ai myit chyawm gaw, hpyi shung shung sha ai zawn, je hpre ai myit gaw, mandan lakle hte sumla nawku ai zawn, mara kaba nga ai. Nang Yehowa a ga kabai kau ndai majaw, Yehowa mung nang hpe hkawhkam aya hta na jahkrat nna, kabai kau nit dai,” ngu wu ai.

1 SAMUELA 15:26

Samuela chyawm gaw, “Ngai nang hte rau n wa na nngai; nang Yehowa ga kabai kau ndai majaw, Yehowa nang hpe Israela hkawhkam aya hta na jahkrat nna, kabai kau nit dai,” ngu nna Shawlu hpe tsun let,

1 SAMUELA 15:35

Samuela mung Shawlu si ai shani du hkra, shi hpang de kawan katsan bai na sa yu nu ai; rai timung, Samuela gaw Shawlu majaw myit yawn nga ai: Yehowa mung, Shawlu hpe Israela hkawhkam shatai ai lam myit malai lu wu ai.

1 SAMUELA 16:15

Dai rai nna, Shawlu a ali ama ni gaw, “Yu u, Karai Kasang kaw na n hkru ai nat, nang hpe shatsang tsang rai nga ai.

1 SAMUELA 16:23

Dai rai nna, Karai Kasang kaw na ndai n hkru ai nat Shawlu ntsa de du jang, Dawi gaw dai tingse la nna, dum shapyaw pyaw di ai majaw, dai n hkru ai nat Shawlu kaw na pru mat wa nna, bai bran wa ai hte mai mat mat rai nga ai.

1 SAMUELA 17:12

Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.