1 SAMUELA 15:3 - Jinghpaw Hanson Version Bible

³ Dai majaw ya sa nna, dai amyu hpe sa gasat su; lahpawt ai myit n rawng ai sha, atsai awai hpya kau nna, numsha lasha, ma kaji ma chyangai, sagu dumsu, gawla-uk lawze nlang sat kau mu.”

Jinghpaw Common Language Bible 2009

³ Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.

1 SAMUELA 15:3 ပူးပေါင်းရင်းမြစ်များ

NINGPAWT NINGHPANG 36:12

Esaw a kasha Elihpa a lashi num Htimna gaw, Elihpa a matu Amalek shangai ya wu ai: ndai hte gaw Esaw a madu jan Ada hta na matu mara ni rai nga ma ai.

2 SAMUELA 1:8

Shaloi shi gaw, ‘Nang kadai rai n ta?’ ngu nna san nngai; ngai gaw, ‘Amalek masha rai nga nngai,’ ngu nna htan we ai.

PRU MAT 17:14

Dai Majaw Yehowa gaw Mawshe hpe, “Sumsing lamu a npu na Amalek amying hpe ngai teng teng shaprai kau na we ai, rai nna, lam ndai hpe dum nga na matu laika hta ka da nhtawm, yawshu a na hta hti dan u,” ngu wu ai.

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

BU HKAWM 24:20

Bai Amalek mung de shi mada nna, ga shagawp hte tsun wu ai gaw, Amalek masha ni shawng na amyu rai nga ai, Jahtum e chyawm gaw hten bya hkrum na ra ai, nga ai.

BU HKAWM 31:17

Dai rai nna, ma kaji ni hta lasha ma nlang hpe mung, la hkrum yu sai numsha nlang hpe mung, sat kau mu.

YAWSHU 10:39

dai mare hte, de a hkawhkam hpe mung, dai hte seng ai mare ginwang ni hpe mung dang la lu nna, nhtu hte shanhte hpe hpya sat ai hte mare ni hta rawng ai masha nlang hte hpe langai mi muk n ngam hkra atsai awai shamyit kau mu ai: Hebron yan Libna mare hte de a hkawhkam hpe di ai hte maren, Debira mare hte de a hkawhkam hpe di nu ai.

1 SAMUELA 14:48

Majan magam gun shaja nna, Amalek masha ni hpe dang kau ai hte, Israela amyu hpe hpya sha shatsang ai ni a lata na hkye la wu ai.

1 SAMUELA 15:18

bai, Yehowa nang hpe, ‘Sa su, mara law ai Amalek masha ni hpe atsai awai sat kau su; shanhte amyu matu n htum dingsa a gasat nga u,’ nga nna she, lam madun dat ai rai yang me,

1 SAMUELA 15:9

Rai timung, Shawlu hte shi a masha ni gaw, Agag hte hpawn, sagu dumsu grau kaja ai, hpum sau ai yamnga, sagu kasha hte kaja hkik ai arai yawng mayawng hpe gaw, lahpawt ai myit hte n shaza kau mu ai: Asung n shang ai hte n mai n tai re ai rai ni hpe sha atsai awai shaza kau mu ai.

1 SAMUELA 22:19

Hkinjawng ni hte seng ai Noba mare hpe mung, shi nhtu hte hpya kau nna, numsha lasha, ma kaji chyu chyu ai chyangai du teng, sagu dumsu, lawze ni hte hpawn sat kau mu ai.

1 SAMUELA 27:9

Dawi gaw dai mung hpe hpya kau nna, numsha lasha langai mi hpe mung n chyahkrung da ai sha, shanhte a sagu dumsu, lawze, gawla-uk hte hpun nba magawn la nhtawm, Ahkisha hpang de bai wa ai.

1 SAMUELA 30:17

Dawi mung, nnan shana de kaw nna hpang shana de du hkra, shanhte hpe gasat mu ai rai nna, gawla-uk jawn ai shabrang mali tsa hprawng lawt lu ai hta kaga, langai mi muk n lawt hkra sat kau nna,