1 SAMUELA 14:52 - Jinghpaw Hanson Version Bible

⁵² Shawlu a prat tup Hpilisti masha ni hte majan kaba rai nga ai rai nna, Shawlu gaw n-gun ja ai hte nden ja ai masha hkrup mahkrup hpe lata san da wu ai.

Jinghpaw Common Language Bible 2009

⁵² Shawlu hkrung nga dingsa, shi gaw Hpilisti masha ni hpe majan aja awa gasat ra wu ai rai nna, n-gun ja nna magrau grang ai masha mu shagu, shi a hpyen luksuk jahpan hta mying bang la la rai wu ai.

1 SAMUELA 14:52 ပူးပေါင်းရင်းမြစ်များ

1 SAMUELA 13:5

Shaloi Hpilisti masha ni gaw Israela masha ni hpe gasat na nga, hpyen leng mun masum, gumra hpyen hkying kru hte, nammukdara zaibru zawn law ai masha hpe jahpawng la nna, rawt sa wa nhtawm, Bet-awen sinpraw maga Mikmasha e dap jung ma ai.

1 SAMUELA 14:47

Shing rai Shawlu gaw, Israela mungdan hpe up nga ai hte yang, grup yin na masha hpyen ni ngu ai, Moba masha, Amon a kashu kasha ni, Edom masha, Zoba hkawhkam ni hte Hpilisti masha ni hpe shi gasat nna, rawt ai shara shagu hkan e shanhte hpe jahtaw kau lu mu ai.

1 SAMUELA 8:1

Ya Samuela dingla jang, kasha yan hpe Israela masha ni a ntsa e tara agyi dang da wu ai.

1 SAMUELA 8:11

Shi gaw, “Nanhte a ntsa e up na Hkawhkam wa htung hking gaw ndai rai na ra ai: shi nanhte a shadang sha ni hpe shaga la nna, shi a leng ni, shi a gumra ni hta jawn ai amu madun tawn nhtawm, shi a leng ni a shawng de shanhte gat lu na rai mu ai;