1 SAMUELA 13:9 - Jinghpaw Hanson Version Bible

⁹ Shaloi Shawlu gaw, “Wan nat hkungga hte mahku hkungga la wa marit,” nga nna, wan nat hkungga nawng wu ai.

Jinghpaw Common Language Bible 2009

⁹ shi gaw shanhte hpe, “Wan nat hkungga hte mahku hkungga ni hpe la wa ya mi,” ngu nna tsun wu ai. Shaloi wan nat hkungga shi nawng ya ai rai nna,

1 SAMUELA 13:9 ပူးပေါင်းရင်းမြစ်များ

2 SAMUELA 24:25

Dawi mung dai yang e Yehowa a matu tawn hkungri galaw nna, wan nat hkungga hte mahku hkungga nawng jau wu ai. Yehowa gaw, Israela mung ting a matu hpyi nem ai ga madat mara ya nna, ana zinli hpe jasim kau ya wu ai.

1 HKAWHKAM 3:4

Ya hkawhkam wa gaw hkungga nawng ya na matu Gibeon kawng de sa wa ai; dai yang hkungga nawng na shara kaba rai nga ai: de a tawn hkungri ntsa e Shawlumon gaw, wan nat hkungga hkying mi nat nawng ya wu ai.

SHAKAWN KUNGDAWN 37:7

Yehowa a man e amu sha nga nna shi hpe ala nga u: myit magaw ai hku maw nna, shabyin lu ai hte, n hkru ai lam hta awng nga ai wa a jaw e, myit hkum kahtet et.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 20:22

“Ngai matai dawp na nngai,” nga nna hkum tsun et; Yehowa hpe ala nga u, shi nang hpe hkye la na ra ai.

GA SHAGAWP 21:27

Tara n lang ai ni a shagu hkungga gaw, matsat shabat rai nga ai; Mara raw na matu nawng ya ai rai yang, grau nna rai nga ai.

GA SHAGAWP 21:3

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

TARA JAHPRANG 12:5

Nanhte a Karai Kasang Yehowa nanhte a amyu ting hta shi a amying ningsang nga nga na matu lata la ai shara ngu ai, shi shanu nga ai shara hpe nanhte tam nna dai de sa wa lu na rai myit dai:

TARA JAHPRANG 12:6

dai de, nanhte a wan nat hkungga hte shagu hkungga; htamshi hta na htammi jaw ai kumhpa hte nanhte a lata na manawt kumhpa; ga shaka kumhpa hte mayu jaw jau ai kumhpa; sagu dumsu hpung ni hta na shawng hkrat ai kasha alat re ai kumhpa ni hpe la sa na rai myit dai:

1 SAMUELA 14:18

Dai aten e Karai Kasang a sumpu Israela masha ni kaw nga ai rai nna, Shawlu gaw, “Karai Kasang a sumpu la wa rit,” ngu nna Ahiya hpe tsun wu ai.