Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMUELA 13:7 - Jinghpaw Hanson Version Bible

7 Hebre masha ni nkau mi mung, Yawdan hka rap nna, Gad mung, Gilead mung de hprawng mat wa ma ai; Shawlu chyawm gaw, Gilgala shara e naw nga nga ai rai nna, masha ni nlang shi kaw e hkrit gari let hkan nang ma ai.

အခန်းကိုကြည့်ပါ။ ကော်ပီ

Jinghpaw Common Language Bible 2009

7 kaga nkau mi chyawm gaw Yawdan hka rap nna Gad hte Gilead a mung ni hkan hprawng makoi nga ma ai. Shawlu gaw Gilgala e naw nga nga ai rai nna, shi hte rau nga nga ai amyu masha ni mahtang hkrit gari nga ma ai.

အခန်းကိုကြည့်ပါ။ ကော်ပီ




1 SAMUELA 13:7
15 ပူးပေါင်းရင်းမြစ်များ  

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.


Bai hpyen du ni gaw, Hkrit ai myit rawng nna myit htum ai masha kadai lawm nga a ta? dai wa gaw nta de wa u ga; dai n rai yang, shi a majaw, manang ni mung myit htum mat na, tsang ra ai, ngu nna masha ni hpe naw tsun na rai mu ai.


“Nang hpe hpyen ai ni a man e Yehowa gaw nang hpe jasum kau na ndai; lam langai sha hku nang shanhte hpang de htim sa wa ai rai timung, lam sanit hku shanhte a man na nang hprawng htaw lu na rin dai; shing rai, ga ntsa ting na mungdan shagu de nang htawt hprawng hkawm lu na rin dai.


Rai sa, lamu ga dai hte gaw dai shaloi e anhte madu la lu sagaw ai: dai hpe Arnon hkaraw makau na Aroera mare kaw nna, Gilead bum ga ka-ang hprut hte dai hta lawm ai mare ni gaw, Rubin matu ni hte Gad matu ni hpe ngai jaw mase ai:


Gilead mung, Geshuri hte Mahkahti masha ni a mung, Hermon bum ting hte Saleka du hkra Bashan mung ting;


Dai Manashe chyen mi hte Rubin amyu Gad amyu ni gaw Yawdan hka sinpraw hkran de Mawshe jaw da sai rai nna, tinang a lamu ga Sali lu chyalu rai masai, ngu wu ai. Yehowa a shangun kasa Mawshe shanhte hpe jaw da ai lamu ga gaw:


Dai rai nna, Masin kaji ai hte hkrit gari ai ni, Gilead bum kaw na nhtang wa mat mu,” ngu nna masha ni hpe jahtau tsun u, ngu wu ai. Dai majaw masha mun lahkawng e hkying lahkawng wa mat sai rai nna, mun mi sha ngam mat ai.


Samuela madat da ai aten hte maren Shawlu gaw sanit ya htep la nga ai: rai timung, Samuela Gilgala de lau n du ai hte, masha ni mung hprawng mat wa shajang ma ai.


Dai Hpilisti wa dakat ai ga, Shawlu hte Israela masha ni na ma yang, shanhte gaw myit htum nna grai hkrit ma ai.


Ya Israela masha ni hprawng mat ma ai hte, Shawlu mung, shi a kasha ni mung si mat ma ai gaw, dai hkaraw wora hkran hte Yawdan hka sinpraw maga na Israela masha ni mu mu yang, shanhte gaw tinang a mare kahtawng ni hpe kau da ma ai rai nna, Hpilisti masha ni sa de nga ma ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ