1 SAMUELA 13:11 - Jinghpaw Hanson Version Bible

¹¹ Shaloi Samuela gaw, “Nang hpa galaw n ta?” ngu wu yang, Shawlu gaw, “Masha ni ngai kaw na hprawng mat wu ai hte nang mung madat da ai ahkying hta n du rai nna, Hpilisti masha ni Mikmasha e hpawng nga ai, ngai mu we ai majaw,

Jinghpaw Common Language Bible 2009

¹¹ rai ti mung, Samuela mahtang, “Nang hpa galaw kau sata?,” ngu nna tsun wu ai. Shawlu gaw, “Amyu masha ni ngai kaw na hprawng mat wa ai hte nang mung madat da ai ahkying hta n du rai nna mung, dai sha n-ga, Hpilisti masha ni Mikmasha shara e hpawng nga ma ai majaw,

1 SAMUELA 13:11 ပူးပေါင်းရင်းမြစ်များ

NINGPAWT NINGHPANG 3:13

Shaloi Yehowa Karai Kasang gaw, dai numsha hpe, “Ndai nang galaw ai gaw, hpa rai nga a ta?” Ngu nna san wu ai; dai numsha gaw, “Ngai hpe lapu e lau nna ngai sha kau se ai,” ngu nna htan wu ai.

NINGPAWT NINGHPANG 4:10

Shaloi Yehowa gaw, “Nang hpa di nu ta? Nnau wa a asai nsen gaw ga de nna ngai hpe jahtau nga ai.

2 SAMUELA 3:24

Dai re ai majaw Yoab gaw hkawhkam wa kaw shang nna, “Nang hpa maw nga n ta? Yu u, Abna wa nang kaw du sayang, hpa rai apyaw sha bai dat dat n ta?

2 HKAWHKAM 5:25

Gehazi chyawm gaw shang nna shi madu a man e tsap nga ai. Shaloi Elisha gaw, “Gehazi e, nang kanang na bai wa n ta?” ngu nna san wu yang, shi gaw, “Na a mayam wa kanang mung n sa nngai,” ngu nna htan wu ai.

ESAIA 10:28

Shi gaw Aiat mare de du sai; Migron mare ga lai wa sai; Mikma mare e hpyen arung arai ni hpe tawn da nu ai;

YAWSHU 7:19

Shaloi Yawshu gaw Ahkan hpe, “Ngai sha e, Israela Karai Kasang Yehowa hpe shagrau nna shi a man e tawngban u: nang galaw kau ai amu ngai e tsun dan e; hkum ip tawn da et, ngu wu ai.

1 SAMUELA 13:12

Ngai gaw, ‘Hpilisti masha ni ndai ngai nga ai Gilgala de du na mara ai: Yehowa kaw chyeju garai n hpyi nngai wa,’ ngu myit nna, ngai hkum dai ngai shadang nna, wan nat hkungga nawng kau se ai,” ngu nna htan wu ai.

1 SAMUELA 13:16

Shing rai Shawlu yan kasha Yonahtan hte shan a masha ni nlang hte gaw, Ben-yamin ga Geba e nga nga ma ai: Hpilisti masha ni chyawm gaw Mikmasha e dap jung ma ai.

1 SAMUELA 13:2

Israela masha hkying masum lata la nna, shi nga ai, Mikmasha hte Betela bum ga e masha hkying lahkawng, Ben-yamin ga Gibea mare e Yonahtan kaw, masha hkying mi, tawn da nhtawm, gale ni hpe tinang nta de dat dat mu ai.

1 SAMUELA 13:23

Ya Hpilisti masha ni a dap sin ai hpyen langa ni gaw, Mikmasha lam hku pru nna, nga nga ma ai.

1 SAMUELA 13:5

Shaloi Hpilisti masha ni gaw Israela masha ni hpe gasat na nga, hpyen leng mun masum, gumra hpyen hkying kru hte, nammukdara zaibru zawn law ai masha hpe jahpawng la nna, rawt sa wa nhtawm, Bet-awen sinpraw maga Mikmasha e dap jung ma ai.

1 SAMUELA 14:5

Langai mi gaw dingdung maga, Mikmasha de man yawng nga ai; langai mi gaw dingda maga Geba de man yawng nga ai.