1 SAMUELA 12:9 - Jinghpaw Hanson Version Bible

⁹ Shanhte chyawm gaw tinang a Karai Kasang Yehowa hpe malap kau mu ai; shaloi Karai Kasang gaw, Hazora hpyen laba du, Sisera lata de mung, Hpilisti masha ni a lata de mung, Moba hkawhkam a late de mung, shanhte hpe dut kau wu ai rai nna, dai masha hpyen ni ahpya sha ai hkrum ma ai.

Jinghpaw Common Language Bible 2009

⁹ Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai.

1 SAMUELA 12:9 ပူးပေါင်းရင်းမြစ်များ

2 SAMUELA 7:11

n shawp ai masha moi shawng de na prat hte, nye a amyu Israela hta tara agyi ni hpe tawn da ai prat e zingri zingrat lu ai zawn, htawm hpang de zingri lu sana n rai; nang hkum hpe mung, masha hpyen ni yawng a lata na hkye la nna, ban sa shangun sade ai. Na a amyu matu hpe mung, ngai shagrin da ya sa na,” nga nna Yehowa tsun sai.

SHAKAWN KUNGDAWN 106:21

Egutu mung hta e, amu kaba galaw ai, Ham a shara e, mauhpa bungli shapraw ai,

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

YEREMIA 2:32

Mahkawn gaw, tinang mawn sumli ai gali lakai hpe, num ningnan gaw tinang a shingkyit hpe, malap kau lu a ni? nye a amyu masha ni chyawm gaw, n dang hti hkra law ai nhtoi tup, ngai hpe malap mali kau ma ni ai.

TARA JAHPRANG 32:18

Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.

TARA JAHPRANG 32:30

Shanhte a shamyet lunghkrung shanhte e dut ya ai n rai yang, Yehowa nan shanhte kaw ap kau ai n rai yang, Marai langai sha masha hkying mi hpe, Marai lahkawng e sha mun mi hpe, kaning rai hkan jahtaw kau lu a ta?

TARA AGYI 10:7

Dai majaw Yehowa Israela amyu hpe pawt bu nna, Hpilisti masha ni a lata hta mung, Amon masha ni a lata hta mung, shanhte hpe dut kau mu ai.

TARA AGYI 13:1

Ya Israela kashu kasha ni gaw Yehowa a man e n shawp ai amu bai galaw ma ai; dai rai nna Yehowa gaw shanhte hpe Hpilisti masha ni a lata hta mali shi ning tup ap kau ya mu ai.

TARA AGYI 2:14

Dai majaw Yehowa a pawt bu ai sindawng Israela hta du nna, shi shanhte hpe hpya sha na kashun kashe ai ni a lata de ap kau mu ai: shing rai grup yin na masha hpyen ni kaw dut kau mu ai rai nna, dai hpyen ni a man e shanhte bai n rawt lu ma ai.

TARA AGYI 3:12

Bai, Israela kashu kasha ni gaw Yehowa man e n shawp ai amu galaw ma ai: shing rai Yehowa man e n shawp ai amu galaw ai majaw, Israela hpe ari jaw na matu Yehowa gaw Moba hkawhkam Eglon hpe n-gun shaja wu ai.

TARA AGYI 3:31

Ehud a hpang e Anat a kasha Shamga paw pru nna, majawn hte Hpilisti masha marai kru tsa hpe sat kau nna, Israela masha ni hpe hkye la wu ai.

TARA AGYI 4:2

Shaloi Yehowa gaw shanhte hpe Hazora e dung ai Hkanan mung na hkawhkam Yabin a lata de dut kau mu ai: dai hkawhkam a hpyen du gaw, Maigan amyu ni a Haroshet mare e dung ai, Sisera rai nga ai.

1 SAMUELA 12:15

dai n rai, nanhte Yehowa ga n madat shi a hkang da ai ga hpe nhtan jashai myit yang gaw, Yehowa a lata nji nwa ni hpe numdan ai zawn, nanhte hpe mung numdan na wu ai.