1 SAMUELA 12:3 - Jinghpaw Hanson Version Bible

³ Ya ngai nang rai nga nngai: gade a dumsu ngai kashun la yu a ta? gade a lawze kashun la yu a ta? kadai hpe maw sha yu a ta? kadai hpe zingri zingrat yu a ta? tinang a myi magap na matu, kadai kaw na manawn kumhpa hkap la yu a ta? Yehowa hte shi a namman chya ai wa a man e nye a lam sakse hkam yu mu; gade a rai kashun la ai rai yang bai wa made ga,” ngu nna tsun mu ai.

Jinghpaw Common Language Bible 2009

³ Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 12:3 ပူးပေါင်းရင်းမြစ်များ

2 SAMUELA 22:22

Ngai mung Yehowa a lam a hkan nga nna, Nye a Karai Kasang hpe shut kau nngai, n rai;

NEHEMIA 5:11

Shanhte a yi hkauna ni, tsabyi sun ni, tsanlun sun ni hte dum nta ni hpe mung, shanhte kaw na lahkawn la ai gumhpraw, nai mam, tsabyi jahku, asau ni hpe mung, dai ni jang htam latsa hta htammi nhtang ya mu,” ngu mu ai.

SHAKAWN KUNGDAWN 15:5

Tinang a gumhpraw hpe ladu lai ai amyat hte n hkoi, Mara n kap ai wa a jaw e sake manawn n la ai wa gaw, Ndai galaw let, galoi mung shamu shamawt hkrum na n rai.

PRU MAT 20:17

Na a htingbu manang a nta hpe ra marit ai myit hkum rawng et; na htingbu manang wa a madu jan hpe mung, shi a mayam num mayam la hpe mung, shi a dumsu lawze re ai hpe mung, na htingbu manang wa lu ai rai hpa hpe mung ra marit ai myit hkum rawng et,” nga ai.

PRU MAT 22:4

Shi lagu ai usu rai yang rai, lawze rai yang rai, sagu rai yang rai, shi lata e hkrung ai ta mu la lu yang gaw, htam lahkawng shi wa lu na rai nga ai.

PRU MAT 23:8

Nang sake manawn sha lu na ndai n rai: kaning rai nme law, dai baw kumhpa gaw hpaji rawng ai ni a myi hpe magap ya nna dingman ai ni a ga hpe gale kau ya lu ai.

GA SHAGAWP 15:27

gumhpraw maji ai wa gaw, tinang a nta hpe sharu shatsang nga ai; Sake manawn matsat ai wa chyawm gaw, asak hkrung na ra ai.

JAW JAU 6:4

shing re ai lam langai ngai galaw hkrup nna, Yehowa a man e mara rawng nga ai rai yang, dai wa gaw shi shut nna, mara lu nga sai majaw, shi hpya sha ai arai rai timung, dip la ai arai rai timung, manang wa ap da ai arai rai timung, mat ai kaw na mu ai arai rai timung,

JAW JAU 6:5

n teng n man ai dagam dala nga nna lu la ai arai hpa baw rai timung, arai dai hpe bai jaw nna dai hte nawng de a jahpu sawn nna htam manga hta htammi naw jat jaw na rai wu ai: dai hpe shi ahka yin ai shani hta rai madu hpe wa lu na rai lu ai.

BU HKAWM 16:15

Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

MAHTE 22:21

“Kehta a sumla hte masat rai nga ai,” ngu mu ai. Shaloi shi gaw, Dai rai yang gaw, “Kehta hte seng ai hpe gaw, Kehta hpe ya mu; Karai Kasang hte seng ai hpe mung, Karai Kasang hpe ya mu,” ngu nna shanhte hpe tsun mu ai.

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

KASA 20:33

Ngai gaw gade a aja gumhpraw hpun nba mung n marin yu nngai.

2 KORINHTU 12:14

Yu mu, ya masum lang ngu na hta nanhte kaw du na ngai jin jin rai ni ai rai nna, ngai nanhte hpe n sharu shatsang na nngai. Kaning rai nme law, nanhte a arung arai hpe ngai tam nngai n rai, nanhte hpe sha ngai tam nga nngai: kashu kasha ni gaw kanu kawa ni a matu sutgan mahkawng da na n ang ai sha, kanu kawa ni mahtang kashu kasha ni a matu mahkawng da na ang nga ai.

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.

1 HTESALONI 2:5

Kaning rai nme law, nanhte chye nga myit dai hte maren, anhte galoi mung a shapyaw ai ga hpe nsung ga ai hte, ka-up nga ai nammak lawhpa n rawng nga ai gaw, Karai Kasang nan sakse rai nga ai:

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

1 SAMUELA 10:1

Shaloi Samuela gaw, namman tauba la nna, Shawlu a baw e jaw bun nhtawm shi hpe pup nna, “Yehowa gaw, shi a Sali amyu a du tai na matu, nang hpe namman chya ya nit dai, n rai ni?

1 SAMUELA 12:4

Shanhte mung, “nang chyawm gaw anhte hpe n maw sha, zingri zingrat n rai ya, gade a arai mung n kashun la yu ndai,” ngu nna htan mu ai.

1 SAMUELA 12:5

Shi gaw, “Rai sa, nanhte nye a lata e masha wa a arai n mu gawn manit dai gaw, Yehowa ngai hpang maga sakse rai nga nu ga; shi a namman chya ai wa mung, sakse rai u ga,” ngu wu ai. Shanhte gaw, “Rai sai, Shi sakse rai nga ai,” ngu mu ai.

1 SAMUELA 2:35

Bai, nye a myit, nye a kraw lawang na ra ai hku hkan ya ai kangka re ai hkinjawng, ngai paw pru shangun na we ai: shi a matu ngang ai nta ngai gaw ya nna, shi gaw nye a namman chya ai wa a man e tutnawng e hkawm sa lu na ra ai.

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 24:6

“Yehowa a namman jaw hkam ai nye a Madu gaw, Yehowa a hkang hte namman jaw hkam ai wa rai nga ai majaw, dai nye a Madu hpe shing di na gaw, nye a lata e Yehowa hkum kau ya n ga,” ngu nna shi a masha ni hpe tsun wu ai.

1 SAMUELA 24:7

Shing nga nna Dawi gaw, shi a masha ni hpe tsun let, Shawlu hpe lata shadu na hkum kau wu ai. Shawlu mung rawt nna lungpu na pru hkawn wa ai.

1 SAMUELA 26:11

Yehowa a namman jaw hkam ai wa hpe, ngai lata n du hkra, Yehowa hkum kau n ga law: ya chyawm gaw, shi a baw nhpang na ri hte ntsin namtau hpe, la wa ga,” nga nna tsun let,

1 SAMUELA 26:9

Dawi chyawm gaw, “Shi hpe hkum hkra et; Yehowa a namman jaw hkam ai wa hpe kadai wa mi ra n rawng ai hkra lu na rai ta?” ngu nna Abishai hpe daru wu ai.