1 SAMUELA 12:2 - Jinghpaw Hanson Version Bible

² Ya, yu mu, dai hkawhkam wa nanhte a man e rai nga ai; ngai chyawm gaw, aprat kaba nna baw hpraw mat ni ai: ngai sha ni mung nanhte hte rau rai nga ma ai; naw kaji kaw nna dai ni du hkra, ngai nanhte a man e hkawm wa ni ai.

Jinghpaw Common Language Bible 2009

² ya chyawm gaw nanhte hpe woi awn na matu shi hpe lu la manit dai. Ngai chyawm gaw asak kaba nna baw hpraw ni ai; nye a kasha ni mung nanhte hte rau rai ma ai. Nye a ram prat kaw nna ya du hkra ngai nanhte a ningbaw tai ya nga nngai.

1 SAMUELA 12:2 ပူးပေါင်းရင်းမြစ်များ

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

BU HKAWM 27:17

ndai shawa hpung a man e pru pru shang shang rai lu nna, shanhte hpe shapraw lu ai hte jashawn la lu ai wa langai ngai hpe, shanhte a ntsa e san da ya u ga law,” ngu nna hpyi wu ai.

2 TIMOHTI 4:6

Kaning rai nme law, ya e pyi hkungga zawn nawng kau ai ngai hkrum nna, ngai pru lai mat wa na aten du magang ra ai.

YAWSHU 23:1

Ya, Yehowa gaw, grup yin na hpyen ni yawng hpe manga kau ai hte Israela kashu kasha ni hpe ban sa shangun ai tsawmra na wa nna, Yawshu aprat kaba nna dingla wa sayang;

YAWSHU 23:2

Yawshu gaw Israela masha ni yawng hte shanhte a salang ni, du gyi ni, tara agyi ni hte bu ni hpe shaga la nna, “Ngai gaw aprat kaba ai hte dingla ni ai:

2 PETRU 1:14

kaning rai nme law, anhte a Madu Yesu Hkristu gaw, ngai hpe madun dan nngai hte maren, gade nna yang ndai hkum tsawp hpe ngai kau da na we ai, ngai chye nga nngai.

1 SAMUELA 2:22

Ya Eli gaw aprat grai kaba mat sayang, shi a kasha ni Israela amyu masha ni nlang hta galaw ai lam mung, shawa sum chyinghka makau e amu galaw ai num ni hte shut hpyit ai lam mung, na wu ai.

1 SAMUELA 2:29

Nye nta e ngai hkang da ai hkungga hte nye shadung kumhpa hpe, hpa rai htawng kau myit ta? nye a amyu Israela masha ni jaw jau ai kumhpa yawng mayawng hta na, kaja htum ai arai ni hpe hkru hkru kat kat sha shangun nna, na nsha ni hpe nye ntsa e hpa rai shagrau n ta?

1 SAMUELA 3:10

Shaloi Yehowa sa tsap nna, shawng na zawn, “Samuela, Samuela,” nga nna shaga wu ai. Samuela mung, “Tsun rit, na a mayam madat nga nngai,” ngu nna htan wu ai.

1 SAMUELA 3:13

Kaning rai nme law, dai wa a kasha ni tinang hkum shayuk ai du hkra, tinang a n shawp ai yubak mu chye ninglen, shan hpe n hkum kau ai majaw, shi a nta masha ni hta ngai tut tut ari jaw na, ngu nna ngai tsun se ai.

1 SAMUELA 3:16

Shaloi Eli gaw, “Ngai sha, Samuela e,” ngu nna Samuela hpe shaga wu yang, shi gaw, “Nga nga nngai,” ngu nna htan wu ai.

1 SAMUELA 8:1

Ya Samuela dingla jang, kasha yan hpe Israela masha ni a ntsa e tara agyi dang da wu ai.

1 SAMUELA 8:20

anhte hpe tara dara ya na hte, majan shani e anhte hpe woi awn nna gasat lu na matu, anhte a ntsa e up na hkawhkam anhte ra ga ai,” nga ma ai.

1 SAMUELA 8:3

Rai timung, shi a kasha yan gaw kawa a lam n hkan ma ai: gumhpraw marin ai hte dam mat wa nna, kumhpa sha let tara jahten ma ai.

1 SAMUELA 8:5

“Yu u, nang dingla mat nit dai; na nsha yan mung na a lam n hkan ma ai: dai rai nna, masha amyu danghta a htung hte maren, anhte hpe up na hkawhkam sharawt ya mi,” ngu nna shi hpe hpyi mu ai.