1 SAMUELA 11:6 - Jinghpaw Hanson Version Bible

⁶ Shawlu dai shi na jang, Karai Kasang a wenyi shi hta aze du nna, shi ja ja masin pawt bu nga ai.

Jinghpaw Common Language Bible 2009

⁶ Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai.

1 SAMUELA 11:6 ပူးပေါင်းရင်းမြစ်များ

PRU MAT 32:19

Shing rai dai dap de du wa yu yang, dumsu kasha hte ka nga ma la ai hpe wa mu wu ai; dai majaw Mawshe masin pawt bu nna, dai lungpa yan hpe shi lata na jahkrat kau ai hte dai bum lagaw e agrawp kau wu ai.

BU HKAWM 12:3

Dai Mawshe ngu ai wa chyawm gaw, ga ntsa ting na masha nlang hta myit grau sumnung ai wa rai nga ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

TARA AGYI 11:29

Shaloi Yehowa a Wenyi Yephta kaw du nna, shi gaw Gilead mung hte Manashe mung lai sa wa nhtawm, Gilead mung na Mizpa shara mung du wu ai: dai kaw na Amon kashu kasha ni hpang de hpyen rawt sa wa ai.

TARA AGYI 13:25

Yehowa Wenyi gaw, Zora mare hte Eshtola lapran na Dan amyu dap hta shi hpe shadut magang wa da wu ai.

TARA AGYI 14:6

Shaloi shi a lata hta hpa n lang timung, Yehowa Wenyi shi hta aja awa du nna, bainam kasha gang je kau ai zawn di nna, hkanghkyi dai hpe gang je kau wu ai: shi galaw ai lam kanu kawa hpe mung n tsun dan wu ai.

TARA AGYI 15:14

Ya Lehi shara de du jang Hpilisti masha ni shi hpe tau la let garu ma ai: shaloi Yehowa a Wenyi shi kaw aja awa du nna shi a lahpum na sumri ni gaw wan kap ai lachyit zawn dut wa nna, shi a lata na sumri ni raw mat lu ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

TARA AGYI 6:34

Yehowa a Wenyi chyawm gaw Gidon hta dung nga nna, shi pahtau dum dat wu yang, Abiezra kasha ni hkan nang ma ai.

1 SAMUELA 10:10

Ya shan gaw dai kawng de du jang, myihtoi hpung masha ni hte hkrum nna, Karai Kasang a wenyi shi a ntsa e aze du ai majaw, shanhte hte rau myihtoi htoi nang nga ai.

1 SAMUELA 10:6

shaloi Yehowa a wenyi na ntsa e aze du nna, nang shanhte hte rau myihtoi htoi na hte, nang lak lai na rin dai.

1 SAMUELA 16:13

Samuela mung shi a namman tau la nna, kahpu ni a hpawng ka-ang e, shi hpe namman chya wu ai; dai shani kaw nna Yehowa a wenyi Dawi a ntsa e adung nga ai. Shing rai Samuela rawt nna, Rama de bai wa ai.

1 SAMUELA 16:14

Ya Yehowa a wenyi Shawlu kaw na pru mat wa ai rai nna, Yehowa kaw na n hkru ai nat shi hpe shatsang tsang rai nga ai.