1 SAMUELA 11:2 - Jinghpaw Hanson Version Bible

² Rai timung, Amon masha Nahasha gaw, “Nanhte mahkra a hkra maga na myi baw kau ya nna, Israela amyu ting hpe ngai jahpoi kau shangun lu yang she, nanhte hte htinglu hkraw na nngai,” ngu dat mu ai.

Jinghpaw Common Language Bible 2009

² Nahasha chyawm gaw, “Ngai gaw masa lam langai hta mahta nna nanhte hte ga shaka tawn da na nngai; masha shagu hte a hkra maga na myi ni hpe ngai malawk kau ya nhtawm, Israela amyu ting hpe jahpoi asawng kau lu na rai myit dai,” ngu nna htan wu ai.

1 SAMUELA 11:2 ပူးပေါင်းရင်းမြစ်များ

NINGPAWT NINGHPANG 34:14

Anhte a kajan hpe matu n gadoi ai ni e jaw ya ai lam gaw, anhte a matu kaya shara nga ai re ai majaw n ya sha lu ga ai:

2 HKAWHKAM 18:31

Hezekia ga hpe hkum madat myit: Asuri hkawhkam gaw ning nga ai, Hpyen sim na lam hpyi mu; ngai hpang de pru marit; nanhte n si ai, hkrung nga lu hkra, nanhte a mungdan hte bung ai, nai mam, tsabyi jahku hte hpring nga ai mung, muk hte tsabyi sun, tsanlun hpun hte lagat jahku hpring ai mung de, ngai nanhte hpe woi wa ai shani du hkra,

SHAKAWN KUNGDAWN 44:13

Anhte a htingbu ni a man e shatan nhkan shara hte, Grup yin e nga ai ni a man e, roi nna asawng asang shara, nang anhte hpe shatai mi ai.

PRU MAT 3:6

“Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

GA SHAGAWP 12:10

Dinghpring ai wa gaw tinang a yamnga hpe lahpawt chye nga ai; Tara n lang ai ni chyawm gaw n-gaw nwai ai hta pyi, sheng mareng rai nga ma ai.

YEREMIA 39:7

Bai shi gaw Zedekia myi hpe achyaw baw kau ya nna, Babelon mare de shi hpe woi wa na matu, hkang hkyihkyang hte gyit wu ai.

BU HKAWM 16:14

Dai hta n-ga, nga chyu hte lagat jahku lwi ai mung de nang anhte hpe n woi wa; yi hkauna tsabyi sun sali mung n jaw re ai: ndai masha ni a myi baw kau ya mayu nni? an n lung na ga ai,” ngu nna htan dat mu ai.

TARA AGYI 16:21

Dai rai nna Hpilisti masha ni gaw shi hpe rim la nhtawm, shi a myi achyaw baw kau ya mu ai; shing di, Gaza mare de la wa nna, magri sumri hte gyit tawn let, htawng kata e htumrin rin shangun mu ai. Rai timung, shi a doi kau ai kara, bai tu wa ra ai.

1 SAMUELA 11:10

Dai rai nna, Yabesha masha ni gaw, Nahasha hpe mung, “Hpawt de nang kaw anhte pru sa na ra ga ai, shaloi nanhte ra ai myit di mi,” ngu nna tsun mu ai.

1 SAMUELA 12:12

Dai hpang, Amon kashu kasha ni a hkawhkam Nahasha, nanhte hpe gasat sa wa ai mu jang, ‘Shawng na zawn n rai saga, anhte a ntsa e hkawhkam she up mi ga,’ nga nna, nanhte a Karai Kasang Yehowa nanhte a hkawhkam rai nga ninglen, ngai kaw shing nga hpyi myit dai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.