1 SAMUELA 11:11 - Jinghpaw Hanson Version Bible

¹¹ Hpang jahpawt e Shawlu gaw masha ni hpe hpung masum di karan nhtawm, jahpawt manap e masha hpyen ni a dap de htim shang nna, jan ja ai ten du hkra, Amon masha ni hpe kahtam mu ai: naw ngam ai ni mung, shada da n kahkyin lu hkra bra mat ma ai.

Jinghpaw Common Language Bible 2009

¹¹ Dai shana e, Shawlu gaw shi a masha ni hpe hpung masum garan nhtawm, jahpawt nhtoi htoi wa ai aten hta gumlau hpyen ni a dap de gat dumbri bang let Amon masha ni hpe htim gasat ma ai. Shanhte hpe shani chyingtung aten hta htau sat kau ma ai. Naw ngam nga ai ni mung tinang chye ai mi de hprawng bra mat ma ai.

1 SAMUELA 11:11 ပူးပေါင်းရင်းမြစ်များ

NINGPAWT NINGHPANG 22:14

Dai re ai majaw Abraham gaw dai shara hpe Yehowa Yira ngu nna shamying wu ai; shing rai, Yehowa a bum hta mazing da ya na ra ai, nga nna ya du mateng ga malai tsun ma ai.

2 SAMUELA 18:2

Dawi mung masha ni hpe hpung masum di karan nna, hpung mi hpe Yoab a lata hta, hpung mi hpe Zeriz kasha, Yoab a kanau Abishai a lata hta, bai hpung mi hpe Giti masha Itai a lata hta ap ya nhtawm, Ngai hkum nan gaja wa teng teng nanhte hte rau sa na nngai, ngu nna masha ni hpe tsun wu ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chyalu rai nga ai.

PRU MAT 14:24

Jahpawt manap na ahkying e Yehowa gaw dai wan sumwi shadaw hta nna Egutu hpyen hpung ni hpe mada yu let, shanhte hpe sharu shatsang da mu ai.

MAHTE 7:2

Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

TARA AGYI 1:7

Shaloi Adoni-bezek gaw “Lata yung nu hte lagaw yung nu krum kau mana ai hkawhkam sanit shi hte nye a sha ku npu e shat hkyep shat hkap hta sha ma ai; ngai di ai hte maren Karai Kasang ngai hta bai tai ni ai,” nga ai. Dai wa hpe shanhte Yerusalem mare de sa kau mu ai rai nna, dai yang shi si mat ai.

TARA AGYI 4:16

Barak chyawm gaw dai leng ni hte hpyen masha ni hpe, maigan amyu ni a Haroshet du hkra hkan shachyut mu ai rai nna, Sisera hpyen masha ni nlang, langai mi muk n ngam hkra, nhtu hte si mat ma ai.

TARA AGYI 7:16

Ya, dai masha masum tsa hpe hpung masum di karan nna, masha hkum shagu hpe, pahtau hte wan rawng ai dibu, langai hpra lang shangun mu ai.

TARA AGYI 7:20

Dai hte maren hpung masum ting pahtau dum nna, dibu ni kayat ga ai hte, pai lata de wan shanan lang let, hkra lata de pahtau lang nna, “Yehowa hte Gidon nhtu law,” ngu nna garu dat mu ai.

TARA AGYI 9:43

Shaloi Abimelek gaw shi a masha ni hpe hpung masum di karan nna, pa e gyam nga ma ai: shi mada yu yang, yu u, mare masha ni pru wa mara ai; shaloi shi rawt nna shanhte hpe hkap sat wu ai.

1 SAMUELA 11:2

Rai timung, Amon masha Nahasha gaw, “Nanhte mahkra a hkra maga na myi baw kau ya nna, Israela amyu ting hpe ngai jahpoi kau shangun lu yang she, nanhte hte htinglu hkraw na nngai,” ngu dat mu ai.

1 SAMUELA 14:47

Shing rai Shawlu gaw, Israela mungdan hpe up nga ai hte yang, grup yin na masha hpyen ni ngu ai, Moba masha, Amon a kashu kasha ni, Edom masha, Zoba hkawhkam ni hte Hpilisti masha ni hpe shi gasat nna, rawt ai shara shagu hkan e shanhte hpe jahtaw kau lu mu ai.