1 SAMUELA 11:1 - Jinghpaw Hanson Version Bible

¹ Dai shaloi e Amon masha Nahasha lung wa nna, Gilead mung Yabesha mare man e dap sa jung wu ai: Yabesha masha ni nlang Nahasha hpe, “Anhte hte htinglu htinglai gaw, nang kaw a yam na ga ai,” ngu mu ai.

Jinghpaw Common Language Bible 2009

¹ Shata mi dang na ai hpang, Amon Hkawhkam Nahasha gaw shi a hpyen luksuk hpe woi nhtawm Gilead mung na Yabesha mare man de sa nna dai hpe wang da wu ai. Yabesha masha ni gaw Nahasha hpe, “Anhte hte myit hkrum ga shaka galaw tawn ga; shaloi nanhte gaw anhte a up hkang du ni rai nga myit dai ngu, anhte hkap la na ga ai,” ngu nna tsun ma ai.

1 SAMUELA 11:1 ပူးပေါင်းရင်းမြစ်များ

NINGPAWT NINGHPANG 26:28

Shanhte gaw, “Yehowa nang hte rau nga nga ai gaw anhte teng teng mu chye saga ai: dai rai nna nang hte anhte a lapran e ga shaka tawn da ga;

2 SAMUELA 10:1

Dai hpang Ammon a kashu kasha ni a hkawhkam si mat nna, kasha Hanun gaw kawa a malai hkaw dung nga ai.

2 SAMUELA 10:2

Shaloi Dawi gaw, “Hanun a kawa Nahasha ngai hpe chyeju madun ai hte maren, ngai mung Hanun hta chyeju htang na we ai,” nga nna, kawa a yawn shabran ya na matu, shi a ali ama ni hpe dat dat wu ai. Dawi a ali ama ni mung Ammon a kashu kasha ni a mungdan de du ma ai.

2 SAMUELA 17:27

Ya Dawi gaw Mahana-im mare de du jang, Ammon kashu kasha Shobi, Lodiba mare na Amiela a kasha Mahkira hte, Gilead shara Rogelim mare na Barazili hte gaw,

2 SAMUELA 2:5

Dai rai nna Dawi gaw Gilead mung Yabesha masha ni hpang de kasa shangun nna, “Nanhte a madu hta chyeju ndai nanhte galaw nna, shi a moi mang hpe makoi mayang myit dai majaw, Yehowa a chyeju nanhte lu la myit ga.

1 HKAWHKAM 20:34

Shaloi Benhada gaw, “Nye wa gaw na nwa kaw na kashun la ai mare ni hpe ngai bai jaw na de ai; nye wa gaw Samari mare hta e mare lam madat da ai hte maren, nang mung Damasku mare hta e mare lam madat da na rin dai,” ngu nna tsun wu ai. Ahab mung, “Rai sa, ndai ga shaka hte ngai nang hpe dat dat na de ai,” ngu wu ai. Shing rai shi hte ga shaka tawn da nna, shi hpe dat dat wu ai.

1 HKAWHKAM LABAU 10:11

Hpilisti masha ni Shawlu hpe shing di ai lam Yabesha-gilead masha ni yawng na ma yang,

1 HKAWHKAM LABAU 10:12

share ni mahkra rawt nna, Shawlu hte shi a kasha ni a moi mang ni hpe la nna, Yabesha mare de hpai wa nhtawm, Yabesha wamyi hpun npu e lup makoi kau nna, sanit ya tup lusha gam nga ma ai.

YOBA 41:4

Shi prat dingsa e na a mayam tai lu hkra, shi nang hte ga shaka tawn da na rai ni?

PRU MAT 23:32

Shanhte hte mung, shanhte a hpara ni hte mung nang ga shaka tawn da lu na ndai n rai.

ESAIA 36:16

Hezekia ga hpe hkum madat myit: Asuri hkawhkam gaw ning nga ai, Hpyen sim na lam hpyi mu, ngai hpang de pru marit; nanhte a mungdan hte bung ai, nai mam, tsabyi jahku hte hpring nga ai mung, muk hte tsabyi sun, tsanlun hpun hte lagat jahku hpring ai mung de, ngai nanhte hpe woi wa ai shani du hkra,

YEREMIA 40:11

Dai hte maren, Babelon hkawhkam gaw Yuda mung hta masha nkau mi hpe naw ngam da nna, Shahpan a kashu, Ahikam a kasha Gedalia hpe, shanhte a ntsa e du aya dang da ai lam, Moba mung, Ammon kashu kasha ni a mung, Edom mung hte mungdan shagu hta bra nga ai Yuda masha ni mahkra na jang, shanhte hpe shapraw kau dat ai mung shagu na bai nhtang wa nhtawm, Yuda mung Mizpa mare e Gedalia hpang de sa du ma ai; shanhte gaw dai yang nna, tsabyi jahku hte nlum ta myin ai namsi law law shu la ma ai.

EZEKELA 17:13

hkawhkam amyu masha langai mi hpe mung shi la nna, shi hte, ga shaka tawn da wu ai; dai mungdan gaw n-gun kya nna, n gumlau lu na hte,

TARA JAHPRANG 23:3

Ammon amyu hte Moba amyu masha mung Yehowa a shawa hpawng hta shang lu na n rai;

TARA AGYI 10:7

Dai majaw Yehowa Israela amyu hpe pawt bu nna, Hpilisti masha ni a lata hta mung, Amon masha ni a lata hta mung, shanhte hpe dut kau mu ai.

TARA AGYI 11:4

Ya tawng marang mi lai yang, Amon kashu kasha ni, Israela masha ni hpe hpyen gasat ma ai.

TARA AGYI 21:8

Dai rai nna shanhte gaw, “Israela amyu ni hta na, Mizpa de Yehowa a man e n lung pru ai gaw, kadai naw nga a ta?” nga nna san ma yang, yu mu, Gilead mung Yabesha mare masha ni langai mi muk zuphpawng ai dap de n sa ai chye ma ai.

1 SAMUELA 12:12

Dai hpang, Amon kashu kasha ni a hkawhkam Nahasha, nanhte hpe gasat sa wa ai mu jang, ‘Shawng na zawn n rai saga, anhte a ntsa e hkawhkam she up mi ga,’ nga nna, nanhte a Karai Kasang Yehowa nanhte a hkawhkam rai nga ninglen, ngai kaw shing nga hpyi myit dai.

1 SAMUELA 14:47

Shing rai Shawlu gaw, Israela mungdan hpe up nga ai hte yang, grup yin na masha hpyen ni ngu ai, Moba masha, Amon a kashu kasha ni, Edom masha, Zoba hkawhkam ni hte Hpilisti masha ni hpe shi gasat nna, rawt ai shara shagu hkan e shanhte hpe jahtaw kau lu mu ai.