1 SAMUELA 10:6 - Jinghpaw Hanson Version Bible

⁶ shaloi Yehowa a wenyi na ntsa e aze du nna, nang shanhte hte rau myihtoi htoi na hte, nang lak lai na rin dai.

Jinghpaw Common Language Bible 2009

⁶ Shaloi dai Madu a wenyi gaw akajawng sha nang hpe up hkang nna nawku htung hte seng ai ka manawt ai hte jahtau garu ai hta nang shang lawm nhtawm laklai ai masha tai wa na rin dai.

1 SAMUELA 10:6 ပူးပေါင်းရင်းမြစ်များ

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

BU HKAWM 11:25

Yehowa mung dai sumwi hta yu hkrat nna shi hte ga tsun nga ai; Mawshe hta dung ai Wenyi hta na la nhtawm agyi salang sanit shi hte a ntsa e mara ya wu ai rai nna, dai Wenyi shanhte hta yu dung jang shanhte gaw myihtoi htoi ma ai; dai hta kaga hpa n tsun ma ai.

BU HKAWM 11:26

Dai hpung hta lawm ai Eldad hte Medad mying ai marai lahkawng gaw, jahpan hta lawm timung Sum de n sa ai sha dap e anga nga ma ai; dai yan hta mung Wenyi yu dung nna, shan gaw dap kata e myihtoi htoi ma ai.

BU HKAWM 11:29

Mawshe chyawm gaw, “Nye a matu nang manawn ya nni? Yehowa a masha nlang hte gaw myihtoi hkrai rai nga mu ga, Yehowa gaw shi a Wenyi shanhte a ntsa e mara jaw mu ga law!” nga nna tsun ai.

MAHTE 7:22

Dai shani e, ‘Madu e, Madu e,’ na a amying hte anhte myihtoi htoi saga ai hte, na a amying hte nat hkyawt kau nna, na a amying hte magam amu law law shachyen saga ai, n rai ni? nga nna law law wa ngai hpe tsun na mara ai.

TARA AGYI 14:6

Shaloi shi a lata hta hpa n lang timung, Yehowa Wenyi shi hta aja awa du nna, bainam kasha gang je kau ai zawn di nna, hkanghkyi dai hpe gang je kau wu ai: shi galaw ai lam kanu kawa hpe mung n tsun dan wu ai.

TARA AGYI 15:14

Ya Lehi shara de du jang Hpilisti masha ni shi hpe tau la let garu ma ai: shaloi Yehowa a Wenyi shi kaw aja awa du nna shi a lahpum na sumri ni gaw wan kap ai lachyit zawn dut wa nna, shi a lata na sumri ni raw mat lu ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

1 SAMUELA 10:10

Ya shan gaw dai kawng de du jang, myihtoi hpung masha ni hte hkrum nna, Karai Kasang a wenyi shi a ntsa e aze du ai majaw, shanhte hte rau myihtoi htoi nang nga ai.

1 SAMUELA 10:9

Shing rai Samuela kaw na rawt wa na nga, yin sha naw rai yang, Karai Kasang gaw shi hta myit ningnan jaw wu ai rai nna, dai kumla ni yawng dai shani jang dik mat ai.

1 SAMUELA 11:6

Shawlu dai shi na jang, Karai Kasang a wenyi shi hta aze du nna, shi ja ja masin pawt bu nga ai.

1 SAMUELA 16:13

Samuela mung shi a namman tau la nna, kahpu ni a hpawng ka-ang e, shi hpe namman chya wu ai; dai shani kaw nna Yehowa a wenyi Dawi a ntsa e adung nga ai. Shing rai Samuela rawt nna, Rama de bai wa ai.

1 SAMUELA 19:20

Shaloi Dawi hpe rim la na matu, Shawlu masha shangun dat wu ai: dai ni gaw, myihtoi hpung masha ni, myihtoi htoi nga nna, Samuela woi awn nga ai hpe, mu ma yang, Karai Kasang a Wenyi Shawlu a shangun ma ni a ntsa e du nna, shanhte mung myihtoi htoi ma ai.