1 SAMUELA 10:22 - Jinghpaw Hanson Version Bible

²² Dai re ai majaw shanhte, “Dai wa nang de n sa a ni?” Ngu nna Yehowa hpe naw san mu yang, Yehowa gaw, “Yu mu, shi, arai ni a kata e makoi nga ai,” ngu nna tsun dan wu ai.

Jinghpaw Common Language Bible 2009

²² shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

1 SAMUELA 10:22 ပူးပေါင်းရင်းမြစ်များ

NINGPAWT NINGHPANG 25:22

Shaloi dai hkritung na ma yan gaw shada gasat hkat nga ai; dai rai nna kanu gaw, “Ngai hta ning nga ai gaw, hpa majaw rai nga ai i?” Nga ai. Shaloi Yehowa kaw san yu na shi sa wa ai.

2 SAMUELA 2:1

Dai hpang Dawi gaw, Yehowa hpe, “Ngai Yuda mare langai ngai de sa wa mai na a ni?” Ngu nna san yu wu ai. Yehowa mung, “Wa su,” nga ai. Bai Dawi gaw, “Gara mare de wa yang mai na a ta?” ngu nna bai san wu yang, “Hebron mare de wa su,” nga ai.

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

BU HKAWM 27:21

Dai wa hkinjawng Eleaza a man e sa tsap jang, hkinjawng wa gaw shi a matu Yehowa a man e ra ai lam hpe Urim hte san ya na rai wu ai: dai wa a hpajang ai hte maren Israela kashu kasha ni hpung nlang hte gaw, shi hte rau pru wa shang wa rai na rai ma ai,” ngu wu ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

TARA AGYI 1:1

Ya Yawshu si mat ai hpang, Israela kashu kasha ni gaw Yehowa hpe, “Hkanani masha ni hpe sa gasat na, anhte hpe kadai mahtang woi shawng na rai ta?” ngu nna san mu ai.

TARA AGYI 20:18

Ya Israela amyu masha ni rawt nna, Betela de lung wa nhtawm Karai Kasang hpe hpaji hpyi mu ai gaw, “Ben-yamin amyu masha ni hpe gasat na anhte hta kadai mahtang shawng na rai ta?” ngu nna san mu ai. Shaloi Yehowa gaw, “Yuda mahtang shawng u ga,” ngu wu ai.

TARA AGYI 20:23

Yehowa kaw mung shanhte sa nna, shana de du hkra hkrap let, “Anhte a kanau Ben-yamin hpe, naw gasat na rai ni?” ngu nna Yehowa hpe san wu yang, Yehowa mung, “Sa gasat mu,” ngu dat wu ai.

TARA AGYI 20:28

Israela kashu kasha ni gaw, “Anhte a kanau Ben-yamin hpe bai sa gasat na rai kun, tawn da sa na rai kun?” ngu nna Yehowa hpe san mu ai; Yehowa gaw, “Lung ma su; hpawt ni nhtoi shanhte hpe nanhte a lata de ap kau na we ai,” ngu dat mu ai.

1 SAMUELA 10:21

Bai Ben-yamin amyu hta na nta dap langai hte langai hpe sit wa shangun yang, Matri dap lata la ang wu ai: bai Kisha kasha Shawlu hpe lata la ang wu ai: shi hpe tam yang, n mu mu ai.

1 SAMUELA 14:37

Shing rai Shawlu Karai Kasang kaw, “Ngai Hpilisti masha ni hpe naw shachyut lu na rai ni? Shanhte hpe Israela masha ni a lata hta ap na a ni?” ngu nna lam san wu ai, Karai Kasang chyawm gaw dai shani e n htan ya wu ai.

1 SAMUELA 15:17

Shaloi Samuela gaw, “Nang gaw, nang hkum dai pyi, kaji dum ai wa rai nga ninglen, Israela amyu ni a baw nang tai nit dai, n rai ni? Yehowa nang hpe Israela amyu ntsa e hkawhkam shatai na namman chya nit dai;

1 SAMUELA 22:10

Ahimelek mung, Yese a kasha matu Yehowa kaw san ya nna, sha jarit mung, Hpilisti masha Goliat a nhtu mung la ya dat nu ai,” ngu nna tsun dan wu ai.

1 SAMUELA 23:9

Shawlu myit magaw ai hku maw nga ai gaw, Dawi chye wu ai rai nna, hkinjawng Abiahta hpe, “Hpahkai lawng la wa rit,” ngu wu ai.

1 SAMUELA 30:7

Shaloi Dawi gaw, Ahimelek a kasha hkinjawng Abiahta hpe, “Dai hpa hkai lawng ngai kaw la wa rit,” ngu wu ai. Abiahta mung, dat hpa hkai lawng hpe Dawi hpang de la wa nu ai.

1 SAMUELA 30:8

Shaloi Dawi gaw, Yehowa hpe, “Ngai dai hpyen laba ni hpe hkan shachyut yang, dep lu na kun?” Ngu nna san wu ai: Yehowa gaw, “Hkan shachyut u; nang shanhte hpe gaja wa teng teng dep lu na rin dai; gaja wa teng teng arai yawng bai lu la na rin dai,” ngu nna shi e htan wu ai.

1 SAMUELA 9:21

Shawlu chyawm gaw, “Ngai wa mi, Israela amyu ni hta kaji htum ai Ben-Yamin amyu she n rai n ni? Ngai dap mung, Ben-yamin amyu dap lakung yawng hta na, kaji htum ai dap she n rai n ni? Dai rai nna, nang ngai hpe hpa rai shing nga tsun n ta?” ngu nna san wu ai.