1 SAMUELA 10:2 - Jinghpaw Hanson Version Bible

² Dai ni ngai hte hka nna wa yang, Ben-yamin lamu ga jarit, Zelza shara na Rahkela lup du jang, masha lahkawng hte nang hkrum na rin dai: shaloi dai yan, ‘Nang sa tam ai lawze ni, mu la sai; na nwa gaw lawze ni hpe n myit; na a lam myit tsang nna, Ngai sha matu kaning di na i? nga ai,’ nga nna tsun na ma ai.

Jinghpaw Common Language Bible 2009

² Dai ni, nang ngai hte hka nna wa ai shaloi, Benyamin a lamu ga Zelza shara na Rahkela lup makau kaw masha lahkawng hte hkrum na ra ai. Shaloi, dai yan nang sa tam ai lawze ni mu la sai; na nwa gaw lawze ni a lam hpe n myit ru, na a lam myit tsang nna shi gaw, ‘Nye a kasha a matu ngai kaning di na i?,’ nga nna sha asan nga ai lam nang hpe tsun dan na mara ai.

1 SAMUELA 10:2 ပူးပေါင်းရင်းမြစ်များ

NINGPAWT NINGHPANG 35:16

Dai hpang shanhte gaw Behtela kaw nna htawt mat wa ma ai rai nna, Ehprat du na loi mi naw tsan yang, Rahkela shangai nhtoi gu nna shinggyim machyi laja nga ai.

NINGPAWT NINGHPANG 48:7

Nye a matu ngu na gaw, Hpadan mung na ngai bai wa ai shaloi, Hkanan mung Ehprahta mare garai n du kaw, dai lam hta e Rahkela gaw nye a makau e si mat sali ai rai nna, Betlehim ngu ai Ehprahta de sa ai lam e ngai shi hpe lup makoi se ai, ngu wu ai.

YEREMIA 31:15

Yehowa ning nga ai: Rama shara hta e ngoi ai nsen, sharung shayawt ai hte hkrap ngu hkrap ngoi ai nsen, na lu ai; Rahkela, shi a kasha ni hpe hkrap nga ai rai nna, shanhte n nga ai majaw, shalan shabran n rai lu sai.

YAWSHU 18:28

Zela, Elep, Yerusalem ngu ai Yebusi mare, Gibat, hte Kiriat rai nga ai: kahtawng hte hpawn mare shi mali rai nga ma ai. Dai gaw Ben-yamin amyu kashu kasha ni tinang a lakung lama hkan nna lu la ai sali ga rai nga ai.

1 SAMUELA 10:16

Shawlu gaw, “Lawze mu la manu ai, nga nna an hpe dan dan leng leng tsun dat mi ai,” ngu nna kawa doi hpe tsun dan mu ai. Samuela tsun ai mungdan a amu lam chyawm gaw, kawa doi hpe n tsun dan ai nga nga ai.