1 SAMUELA 10:12 - Jinghpaw Hanson Version Bible

¹² Dai yang na masha langai mi mung, “Shan a kawa mahtang kadai rai nga a ta?” ngu nna hkap htan wu ai. Dai re ai majaw, ‘Shawlu mung myihtoi ni hta lawm a ni?’ Nga ai ga gaw, ga malai tai mat wa ai.

Jinghpaw Common Language Bible 2009

¹² Dai yang e nga ai masha langai mi mung, “Kaga myihtoi ni gaw gara hku rai nga ma ni? Shan a kawa ni mahtang kadai ni rai nga ma ta?,” ngu nna san wu ai. Dai re ai majaw, “Shawlu gaw myihtoi rai mat sani?,” ngu ai ga gaw pru wa nga ai.

1 SAMUELA 10:12 ပူးပေါင်းရင်းမြစ်များ

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

YAWHAN 6:45

‘Masha yawng mayawng gaw Karai Kasang a sharin achyin ai lu la ai ni rai na mara ai,’ nga nna myihtoi laika ni hta ka da ai hte maren, nye Wa kaw na madat la nna, sharin achyin la ai ni yawng hte gaw, ngai hpang de du sa ma ai.

YAWHAN 7:16

Dai majaw Yesu gaw, “Ngai sharin shaga ai ga gaw nye a ga n rai, ngai hpe shangun dat ai wa a ga rai nga ai:

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

1 SAMUELA 10:13

Myihtoi htoi ngut jang, kawng tsaw de lung wa ai.

1 SAMUELA 19:23

Dai rai nna, shi gaw Rama ginwang na Nayut shara de sa wa ai rai nna, Karai Kasang a Wenyi shi a ntsa e mung du ai majaw, Rama ginwang na Nayut shara du hkra myihtoi htoi let sa wa ai.

1 SAMUELA 19:24

Shi gaw shi a hpun palawng raw kau nna, Samuela man e myihtoi htoi let, dai shani tup, dai shana tup, hpun palawng n kap ai taw nga ai. Dai re ai majaw, “Shawlu mung myihtoi ni hta lawm a ni?” Nga nna masha ni tsun shalai ma ai.