1 SAMUELA 1:9 - Jinghpaw Hanson Version Bible

⁹ Shing rai Shilo mare e lu sha ngut jang Hana rawt sa wa ai. Dai shaloi e hkinjawng Eli gaw, Yehowa nawku nta chyinghka hkadun makau e, shi a tingnyang hta dung nga ai.

Jinghpaw Common Language Bible 2009

^9-10 Shilo mare na dai Madu a nta hta shanhte lusha sha ngut ai hpang, lani mi na aten hta Hana rawt sa wa wu ai. Shi gaw grai yawn la ai hte jahtau hkrap let, dai Madu kaw akyu hpyi wu ai. Dai shaloi hkinjawng Eli gaw chyinghka makau na shi a tingnyang hta dung nga ai.

1 SAMUELA 1:9 ပူးပေါင်းရင်းမြစ်များ

2 SAMUELA 7:2

shi gaw, myihtoi Nahtan hpe, “Yu u, ngai wa gaw, marau hpun nta rawng nga ni ai; Karai Kasang a sumpu chyawm gaw, sumpan sum npu e rawng nga ai,” ngu nna tsun wu ai.

SHAKAWN KUNGDAWN 27:4

Lam langai mi ngai Yehowa hpe hpyi se ai: Ngai ahkrung nga ai nhtoi hte ting, Yehowa a nta hta nga nga lu nna, Yehowa a tsawm pra ai mu lu na hte, Shi a Htingnu e myit htang nga na, ngai ra nga nngai.

SHAKAWN KUNGDAWN 29:9

Yehowa a nsen tsu yi ni hpe kasha jahkai mu ai rai nna, Maling ni hpe ashin ashan di kau mu ai. Shi a Htingnu na arai yawng, “Hpung shingkang nga ai,” nga nna garu ma ai.

SHAKAWN KUNGDAWN 5:7

Ngai chyawm gaw, na a kaba ai chyeju majaw, na a nta hta shang lu nngai. Nang hpe hkrit hkungga ai hte, na a Htingnu de yawng let, nawku lu nngai.

PRU MAT 21:6

shi a madu gaw, Karai Kasang hpang de mung, chyinghka shing n rai hkadun daw de mung shi hpe woi sa nna, shi a na hpe sumprang hte shajut ya na rai wu ai: dai kaw nna gaw shi a madu kaw prat tup yamnga na rai wu ai.

1 SAMUELA 1:10

Hana gaw yawn la ai hte grai hkrap let Yehowa kaw akyu hpyi nga ai.

1 SAMUELA 3:15

Samuela chyawm gaw jahpawt du hkra yup nga nna, Yehowa nta chyinghka ni hpaw wu ai. Dai shingran Eli hpe tsun dan na, Samuela n wam wu ai.

1 SAMUELA 3:3

Karai Kasang a pyengdin garai n si, Samuela mung, Karai Kasang a sumpu nga ai Yehowa a nawku nta e yup nga yang,

1 SAMUELA 4:13

Shi du wa yang, Eli gaw, shi a tingnyang hta lam makau e dung let ala nga ai; kaning rai nme law, Karai Kasang sumpu a matu shi myit ru nga ai. Gat wa ai wa, mare du nna, ashi tsun dan wu yang, mare ting jahtau kachyi nga ai.