1 SAMUELA 1:8 - Jinghpaw Hanson Version Bible

⁸ Madu wa Elakana chyawm gaw, “Hana e, hpa rai hkrap n ta? hpa rai shat n sha n ta? nang hpa majaw, yawn n ta? shadang sha shi lu ai hta, ngai na a matu akyu grau nga ai n rai ni?” ngu nna shi hpe shalan wu ai.

Jinghpaw Common Language Bible 2009

⁸ Shi a madu wa Elakana chyawm gaw shi hpe, “Hana e, nang hpa majaw hkrap nga n ta? Hpa majaw lusha n sha n ta? Nang gaw hpa majaw tut nawng e grai yawn nga n ta? Shadang sha shi lu ai hta na a matu ngai grau nna akyu nga ai n rai ni?,” ngu nna san wu ai.

1 SAMUELA 1:8 ပူးပေါင်းရင်းမြစ်များ

2 HKAWHKAM 8:12

Shing rai Hazaela gaw, “Nye madu du e, nang hpa majaw myi prwi pru nga n ta?” ngu nna san wu yang, shi gaw, “Israela kashu kasha ni hpe nang galaw na ra ai n hkru ai amu hpe ngai chye nga nngai: shanhte a hpyen dap ni hpe nang nat kau n ndai; shanhte a shabrang ni hpe nhtu hte sat kau na ndai; shanhte a ma kaji ni hpe gumpye sat kau na hte, na-um nasin re ai num ni hpe ahkri ga kau na ndai,” ngu nna tsun wu ai.

YOBA 6:14

Jinghku ni gaw gawng run hkrum ai wa hpe matsan dum mai nga ai; shing n rai yang, shi gaw n-gun chyalai rawng ai Wa hpe hkrit hkungga na myit kau da na ra ai.

SHAKAWN KUNGDAWN 43:4

Shaloi Karai Kasang a tawn hkungri hte, Ngai nachying sharawng awng ai Karai Wa kaw, ngai shang wa nna, Karai Kasang e, nye a Karai Kasang e, Tingse hte nang hpe mahkawn mangoi na nngai.

ESAIA 54:1

“Kasha n shaprat ai maudung num e, mahkawn mangoi u; shinggyim machyi n hkrum ai num e, mahkawn mangoi let kabu jahtau u: kaning rai nme law, gram nga ai num gaw, madu wa lu ai num hta kashu kasha grau lu nga ai,” nga nna Yehowa tsun ai.

ESAIA 54:6

Kabai kau hkrum nna gawng run hkawm ai hte, ram prat e jan tai nna, jahka kau hkrum ai num hpe zawn, madu jan bai tai na, Yehowa nang hpe shaga nit dai, nga nna na a Karai Kasang tsun nga ai.

YAWHAN 20:13

Dai yan gaw, “Numsha e, hpa rai hkrap nga n ta?” ngu nna san mu ai: shi gaw, “Nye Madu hpe la mat wa nna, kanang tawn da ma ai mung, n chye nngai majaw rai nngai,” ngu nna shan hpe htan mu ai.

YAWHAN 20:15

Yesu mung, “Numsha e, hpa rai hkrap nga n ta? nang kadai hpe tam n ta?” ngu nna shi hpe san wu ai: shi chyawm gaw dai wa hpe sun sin ai wa rai daw ai nga, myit nna, “Tsa e, nang shi hpe hpai la kau ndai rai yang gaw, kanang tawn da ai, ngai hpe tsun dan e, ngai la wa na nngai,” ngu nna shi hpe tsun wu ai.

1 HTESALONI 5:14

Bai, hpunau ni e, kajam galam re ai ni hpe shadum jahprang nga mu, myit kaji nga ai ni hpe shalan shabran nga mu, gawng kya ai ni hpe shadaw shangang nga mu, masha yawng hte hpe galu kaba ai myit madun nga mu;

RUHTA 4:15

Nang hpe tsawra nna, shadang sha sanit lu ai hta, grau akyu nga ai, na nnam gaw, dai ma hpe shangai ya nit dai majaw, shi gaw na aprat nhtang ya ai wa, nang hpe aprat ugut gu hkra bau lahku ai wa, tai na ra ai,” ngu nna shaman mu ai.

1 SAMUELA 1:7

Shaning shagu Yehowa nta de lung wa jang, kanau jan e hkrai roi shatsang nna, Hana gaw shat n sha hkra hkrap nna sha nga nga re ai.