1 SAMUELA 1:26 - Jinghpaw Hanson Version Bible

²⁶ Shaloi Hana gaw, “Nye a madu e, nang hkrung nga ndai hte maren, ngai gaw shawng de lang mi, ndai yang, na makau e tsap let Yehowa hpe akyu hpyi ai numsha rai nga nngai.

Jinghpaw Common Language Bible 2009

²⁶ Hana gaw shi hpe, “Madu e, ngai hpe mara hkum shagun e, nang ngai hpe dum ai n rai ni? Dai Madu hpe akyu hpyi na ngu, ndai yang e ngai tsap nga yang, nang mu ai numsha rai nga nngai.

1 SAMUELA 1:26 ပူးပေါင်းရင်းမြစ်များ

NINGPAWT NINGHPANG 42:15

nanhte a kanau hpungdim wa n woi sa myit yang gaw, Hpara-u hkrung nga ai hte maren, nanhte nang na pru wa lu na n rai:

2 SAMUELA 11:11

Uria chyawm gaw, “Karai Kasang a sumpu mung, Israela hte Yuda masha ni mung sum hta sha nga nga ma ai; nye du Yoab hte nye madu a mayam ni mung, pa hkan e she but nga ma ai; ngai wa mi tinang nta de wa nna lu let sha let, madu jan hte pyaw let nga mai na a ni? Nang madu hkrung nga ai hte, na wenyi hkrung nga ai hte maren, ngai shing n rai na nngai,” ngu nna Dawi hpe htan wu ai.

2 SAMUELA 14:19

Hkawhkam wa gaw, “Alam dai hta Yoab lawm nga ai, n rai lit ni?” ngu nna san wu yang, numsha mung, “Madu hkawhkam wa e, nang ahkrung nga ai hte maren, nang madu hkawhkam wa tsun ai lam hta na kadai mung pai de hkra de n tawt lu law; gaja wa na a mayam Yoab ngai hpe hkang da nna, na a mayam jan a n-gup hta ndai ga mahkra bang ya ni ai.

2 HKAWHKAM 2:2

Shaloi Elia gaw Elisha hpe, “Nang e naw hkring nga u; Yehowa ngai hpe Behtela du hkra shangun dat ai,” ngu wu ai. Elisha gaw, “Yehowa hkrung nga nna, na asak mung hkrung nga ai hte maren, ngai nang hte n hka na nngai” ngu nna htan wu yang, shan lahkawng rau Behtela de yu wa ma ai.

2 HKAWHKAM 2:4

Bai Elia gaw, “Elisha e, nang e naw hkring nga u; Yehowa ngai hpe Yerihko de shangun dat ai,” ngu wu ai. Elisha gaw, “Yehowa hkrung nga nna, na asak mung hkrung nga ai hte maren, ngai nang hte n hka na nngai,” ngu nna htan wu yang, shan lahkawng ran Yerihko mare de du ma ai.

2 HKAWHKAM 2:6

Bai Elia gaw, “Nang e naw hkring nga u; Yehowa ngai hpe Yawdan hka de shangun dat ai,” ngu nna, Elisha hpe tsun wu ai. Shi gaw, “Yehowa hkrung nga nna, na asak mung hkrung nga ai hte maren, ngai nang hte n hka na ngai,” ngu nna tsun wu yang, shan lahkawng rau sa wa ma ai.

2 HKAWHKAM 4:30

Ma a kanu chyawm gaw, “Yehowa hkrung nga ai zawn, na asak mung hkrung nga ai hte maren, ngai gaja wa nang hte n hka na nngai,” ngu wu yang, shi hkum nan rawt nna hkan nang nga ai.

1 HKAWHKAM LABAU 4:10

Yabet mung, Israela Karai Kasang hpe, “Nang ngai hpe shaman ya nna, nye a lamu ga jarit dam lada di ya e! Ngai yawn hkyen ai hta lawt lu n ga na a lahpum hte n hkru n hkra ai hta na ngai hpe magawp maga la e!” ngu nna hpyi jahtau wu ai. Karai Kasang mung shi hpyi ai ga madat mara ya wu ai.

1 SAMUELA 17:55

Ya Dawi, dai Hpilisti wa hpang de htim sa wa ai Shawlu mu jang, shi a luksuk ni a bu Abna hpe, “Abna e, wora shabrang wa gade a kasha rai ta?” ngu nna san wu yang, Abna gaw, “Hkawhkam wa e, nang hkrung nga ai hte maren, ngai n chye nngai,” ngu wu ai.

1 SAMUELA 20:3

Dawi gaw, “Ngai na a jinghku rai nga ai, na nwa chye da wu ai majaw, Yonahtan yawn na hpe tsang ai, ndai amu hkum chye shangun mu, nga nna shi tsun da nu ai. Gaja wa, Yehowa ahkrung nga ai hte, nang mung hkrung nga ndai hte maren, ngai hte si hkrung si htan a lapran gaw, kalang htawt sha rai sali ai,” ngu nna dagam ai hte tsun wu ai.

1 SAMUELA 25:26

Ya rai timung, nye a madu e, masha asak sat na de n sa n ga hte, tinang myit machyu nna, matai n htang n ga, Yehowa nang hpe hkum da nit dai majaw, Yehowa ahkrung nga nna, nang madu ahkrung nga ai hte maren, na a hpyen ni hte nang hpe jahten maw ai ni gaw, Nabala zawn, rai nga mu ga.