1 SAMUELA 1:2 - Jinghpaw Hanson Version Bible

² dai wa gaw num lahkawng lu ai; langai mi a amying gaw Hana, langai mi a Penina rai lu ai. Penina mahtang kasha shaprat nga ai; Hana chyawm gaw maudung rai nga ai.

Jinghpaw Common Language Bible 2009

² Elakana gaw madu jan lahkawng lu nga ai; Hana hte Pinina yan rai nga ai. Penina gaw kasha lu nna, Hana mahtang n lu nga ai.

1 SAMUELA 1:2 ပူးပေါင်းရင်းမြစ်များ

NINGPAWT NINGHPANG 11:30

Sarai chyawm gaw maudung rai nga ai rai nna kashu kasha n lu ai.

NINGPAWT NINGHPANG 25:21

Isak gaw, shi a madu jan maudung dung ai majaw, shi a matu Yehowa hpe hpyi wu ai; dai rai nna Yehowa shi a ga madat ya ai hte shi a madu jan na-um nasin rai wa lu ai.

NINGPAWT NINGHPANG 29:31

Ya Lea gaw n dawng n yawt hkrum nga ai hpe Yehowa mu ya wu ai rai nna, kashu kasha shaprat na lam hpaw ya wu ai; Rahkela chyawm gaw maudung dung nga ai.

NINGPAWT NINGHPANG 4:19

Lamek chyawm gaw num lahkawng la wu ai; langai mi a amying gaw Ada, langai mi a amying gaw Zila rai lu ai.

NINGPAWT NINGHPANG 4:23

Htubala Ka-in kajan gaw Nama rai lu ai. Ya Lamek gaw shi a madu jan yan hpe, “Ada yan Zila e, nye a nsen madat mu, Lamek a num yan e, nye a ga matsing mu: Ngai hpe nsam dat ai majaw masha langai mi e, Ngai hpe n-gung hkang shakap ai majaw shabrang langai mi hpe, ngai sat kau lu se ai:

MAHTE 19:8

Shi gaw, “nanhte a myit ja nga malit dai majaw, tinang a madu jan hpe shabawn kau na ahkang, Mawshe jaw myit dai; rai timung, shawng npawt kaw nna shing n nga ai.

LUKA 1:7

Shan gaw kasha n lu ma ai; kaning rai nme law, Elisabet gaw maudung dung nga ai hte, shan lahkawng aprat kaba masai.

LUKA 2:36

Dai hta kaga, Ashe amyu re ai Hpanuela shayi sha, Anna ngu ai num myihtoi langai mi nga ai; shi gaw asak grai kaba la sai; mahkawn prat kaw nna sanit ning du hkra madu wa hte nga nhtawm, matsat shi mali ning tup gaida nga ai:

TARA AGYI 13:2

Dai shaloi e, Zora mare na, Dan amyu masha Mano ngu ai wa langai mi nga ai: shi a madu jan gaw maudung rai nna, kasha n shaprat wu ai.

TARA AGYI 8:30

Gidon gaw, num law ai rai nna, shi shaprat ai kasha hkrai, sanit shi rai lu ai.