1 SAMUELA 1:18 - Jinghpaw Hanson Version Bible

¹⁸ Hana mung, “Na a mayam jan na a man e myi man pa wa ni ga law,” ngu nna tsun ngut jang, myi man lai ai hte wa nna, shat sha wu ai.

Jinghpaw Common Language Bible 2009

¹⁸ Shi gaw, “Ngai hpe matsan dum la na tut nawng myit dum ya nga rit law,” ngu nna htang tsun wu ai. dai hpang n yawn nga ai sha, lusha loi mi sha la nna wa mat wa wu ai.

1 SAMUELA 1:18 ပူးပေါင်းရင်းမြစ်များ

NINGPAWT NINGHPANG 32:5

Shanhte hpe shi hkang dat mu ai gaw, Na mayam Yaku gaw, ya du hkra Laban kaw shingbyi nga ni ai;

NINGPAWT NINGHPANG 32:6

dumsu hte lawze mung, sagu bainam hpung mung, lasha yam numsha yam mung, ngai law law lu nngai: nye a madu a man e ngai myi man pa lu u ga, ngu nna shana dat nngai, nga ai ngu nna nye a madu Esaw hpe tsun ya mi, ngu dat wu ai.

NINGPAWT NINGHPANG 33:15

Bai Esaw gaw, Dai rai taw gaw, ngai kaw hkan nang ai masha nkau mi nang kaw tawn da mawe ga, ngu wu ai. Yaku gaw, Hpa mi ra nga a ta? nang madu a man e myi man shapa u ga, ngu wu ai.

NINGPAWT NINGHPANG 33:8

Bai Esaw gaw, Ngai hkrum dat ai yamnga hpung ni nlang hte gaw kaning re ai rai ta? ngu nna san wu yang, Yaku gaw, Nang madu a man e ngai myi man pa lu na matu, rai nga ai, ngu nna htan wu ai.

SHAKAWN KUNGDAWN 34:6

Ndai matsan mayan wa shaga nga yang, Yehowa madat mara nga nna, ru tsang ai nlang hta na shi hpe hkye la wu ai.

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

YAWHAN 16:24

Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

RUHTA 2:13

Ruhta mung, “Madu e, na a man e ngai myi man pa ni ga law; ngai wa, na a shangun ma numsha ni hte pyi n bung nngai wa; nang madu ga ngwi ga pyaw hte ngai hpe shalan nna, na a mayam jan hpe kabu shangun ni ai,” ngu nna tsun wu ai.

RUHTA 2:2

Shaloi Moba num Ruhta gaw, “Ngai yi de sa nna, ai nawn ai ni kaw, mam nlim hkan gut ni ga yaw,” ngu nna Naomi kaw hpyi wu ai. Naomi mung, “Sa su, ngai nam gaw,” ngu dat wu ai.