1 SAMUELA 1:11 - Jinghpaw Hanson Version Bible

¹¹ Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.

Jinghpaw Common Language Bible 2009

¹¹ Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 1:11 ပူးပေါင်းရင်းမြစ်များ

NINGPAWT NINGHPANG 28:20

Dai hta e Yaku gaw, “Ngai nye wa nta de ngwipyaw ai hte bai du wa lu hkra, Yehowa nye a Karai Kasang tai nga nna,

NINGPAWT NINGHPANG 29:32

Shaloi Lea na-um nasin rai nna shadang sha shangai wu ai. Shi hpe Rubin ngu nna shamying wu ai: kaning rai nme law, shi gaw, “Ngai nga karen nga ai hpe Yehowa mada yu ni ai; dai rai nna ya nye a madu wa ngai hpe tsawra na ni ai,” nga ai.

NINGPAWT NINGHPANG 30:22

Shaloi Karai Kasang gaw Rahkela hpe dum wu ai hte shi a ga madat ya nna shi kashu kasha shaprat lu na lam hpaw ya wu ai.

NINGPAWT NINGHPANG 8:1

Shaloi Karai Kasang gaw Noa hte shi hte rau sanghpaw li hta rawng ai ashu ashan mahkra hte yamnga yawng hpe dum wu ai: dai majaw Karai Kasang gaw ga ntsa e nbung shabung dat wu ai rai nna, hka hpungtun ni sim mat ma ai;

2 SAMUELA 16:12

Dai ni wora wa matsa ai a marang e, ngai hkrum sha ai shoi chyum ai hpe Yehowa mada mara nna, chyeju bai nhtang jaw na nhten,” ngu wu ai.

SHAKAWN KUNGDAWN 25:18

Nye a nni nkri hte ruyak ai hpe yu u: Nye a yubak nlang hte hpe dat kau ya e.

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

GA SHAGAWP 31:2

Ataw, ngai sha e, ngai shaprat ai ma e, Nye a ga shaka hte seng ai sha e:

HPAJI NINGLI 5:4

Nang Karai Kasang hpe dagam hkrup ai rai yang, alawan rap raw u; shi gaw angawk ai ni hta awng nga lu ai n rai: nang dagam da ai hte maren, rap raw u.

JAW JAU 27:2

Israela kashu kasha ni hpe ning ngu tsun u: Kadai rai timung ga shaka da ai hte jaw jau ai rai yang, nang tawn da ai manu hte maren, dai wa gaw Yehowa a gun rai tai na rai nga ai.

BU HKAWM 21:2

Dai rai nna Israela gaw, Yehowa hte ga shaka nna, “Nang ndai amyu hpe nye a lata hta ap ya n yang gaw, shanhte a mare ni hpe ngai akrin atsai di kau na we ai,” nga ai.

BU HKAWM 6:11

hkinjawng wa mung, htingrai hkungga matu langai mi, wan nat hkungga matu langai mi di nna, si mang a majaw yubak lu ai wa a matu nawng ya na rai wu ai; shing rai dai wa gaw dai shani jang shi a baw hpe bai shachyoi shapra na rai wu ai.

BU HKAWM 6:5

Shing rai, Naziri tai na ga shaka tawn da ai nhtoi hte yang, tinang a baw shangun lu na n rai: Yehowa matu tinang hkum hpe san da ai nhtoi garai n gu gu gaw, shi hta chyoi pra nga na rai nna, tinang a kara hpe madat da na rai wu ai.

BU HKAWM 6:8

Shi gaw san da nga ai nhtoi hte ting hta Yehowa a matu chyoi pra nga na rai wu ai.

TARA AGYI 11:30

Ya Yephta gaw Yehowa kaw, “Nang madu gaja wa teng teng Amon kashu kasha ni hpe nye a lata hta ap ya n yang gaw,

TARA AGYI 13:5

nang na-um nasin rai nna, shadang sha shangai na rin dai; ma dai gaw hkritung kaw nna Karai Kasang a Naziri masha rai na ra ai majaw shi a baw doi ya lu na n rai; shi gaw Israela hpe Hpilisti masha ni a lata na hkye la hpang na ra ai” ngu nna tsun wu ai.

1 SAMUELA 1:10

Hana gaw yawn la ai hte grai hkrap let Yehowa kaw akyu hpyi nga ai.

1 SAMUELA 1:12

Shing rai Hana Yehowa man e na na akyu hpyi nga yang, Eli gaw shi a n-gup yu da wu ai.

1 SAMUELA 1:19

Ya shanhte jahpawt jau jau rawt nna, Yehowa hpe nawku ngut jang Rama shara nga ai shanhte a nta de bai wa ma ai: Elakana mung shi a madu jan Hana hte kanawn nna, Yehowa shi hpe dum ya wu ai.

1 SAMUELA 1:22

Hana chyawm gaw, madu wa hpe, “Ma chyu garai n hka yang, ngai n lung na nngai; chyu hka jang she, Yehowa man e prat tup anga nga na matu sa da ai hte hpawn, woi lung na nngai,” nga nna nta e anga nga ai.

1 SAMUELA 1:27

Ma ndai lu la na matu ngai hpyi nngai: ngai hpyi hte maren Yehowa ngai e jaw ni ai:

1 SAMUELA 1:28

dai re ai majaw, ngai shi hpe Yehowa e jaw da ni ai; shi hpe si ai nhtoi du hkra Yehowa a matu jaw da ai rai sai,” nga nna tsun ngut jang, dai yang e Yehowa hpe nawku ma ai.

1 SAMUELA 2:20

Shaloi Eli gaw Elakana yan la hpe, “Yehowa kaw nang ap da ai kasha a malai, num ndai hta matu mara, Yehowa nang hpe naw jaw lit ga law,” ngu nna shaman ya dat wu ai. Shing rai shan gaw tinang a nta de bai wa ma ai.