1 SAMUELA 1:10 - Jinghpaw Hanson Version Bible

¹⁰ Hana gaw yawn la ai hte grai hkrap let Yehowa kaw akyu hpyi nga ai.

1 SAMUELA 1:10 ပူးပေါင်းရင်းမြစ်များ

NINGPAWT NINGHPANG 30:1

Ya Rahkela gaw Yaku a matu kashu kasha n shaprat ya dum wu ai majaw, kana jan hpe manawn nna Yaku hpe, “Ngai e kasha jaw e; dai n rai ngai si mat na nngai,” ngu wu ai.

NINGPAWT NINGHPANG 50:10

Yawdan hka wora hkran na Atad a chyarang e du ma yang, shanhte gaw dai yang e sharung shayawt kaba hte sharung shayawt nga nna, shi kawa a matu nhtoi sanit ya tup hkrap ngu hkrap ngoi rai nga ma ai.

2 SAMUELA 13:36

Dai ga htum ai hte rau hkawhkam wa kasha ni du wa nna, wa jahtau hkrap ma ai; hkawhkam wa hte shi a ali ama ni nlang hte mung ja ja hkrap ma ai.

2 SAMUELA 17:8

nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

YOBA 10:1

Nye a wenyi asak hpe shayawt nga ai; lajin laroi ga ngai n sim n sa tsun na nngai; nye a myit masin karen ai hte ga tsun na nngai.

YOBA 7:11

Dai rai nna, ngai gaw nye a n-gup hpe ip da na, n rai: nye a wenyi hki ba ai hte ga tsun na nngai, nye a myit karen ai majaw, lajin ga tsun na nngai.

YOBA 9:18

Ngai nsa awai na, shi n hkraw nga ai; aju machyi ai hte ngai hpe jahpring ya nngai.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

SHAKAWN KUNGDAWN 91:15

Shi ngai hpe shaga yang, ngai htan na nngai, Ru tsang ai hte ngai shi hte rau nga na nngai; Ngai shi hpe sai la nna, shagrau na we ai.

GA SHAGAWP 14:10

Myit masin gaw, tinang ruyak ai hpe, dum nga ai; Tinang kabu gara ai hta, tsasam wa lawm lu ai n rai.

ESAIA 38:15

Ngai hpa tsun lu na rai ta? Shi ngai hpe ga tsun nna, shi hkum nan dai lam galaw nu ai. Nye shaning ni tup, nye myit masin nni nkri hkrum ai hpe ngai dum nna, angwi sha hkawm nga na nngai.

ESAIA 54:6

Kabai kau hkrum nna gawng run hkawm ai hte, ram prat e jan tai nna, jahka kau hkrum ai num hpe zawn, madu jan bai tai na, Yehowa nang hpe shaga nit dai, nga nna na a Karai Kasang tsun nga ai.

YEREMIA 13:17

Nanhte dai ga hpe n madat mara nga ai rai yang, nanhte a gumrawng gumtawng ai majaw, nye a myit masin n dan n leng ai shara e hkrap nga na ra ai; Yehowa sagu hpung hpe rim la ai majaw, nye a myi grai hkrap nna, myi prwi lwi na ra ai.

YEREMIA 22:10

Si ai wa a matu hkum hkrap myit; shi a matu sharung shayawt hkum rai myit: pru mat wa ai wa a matu grai hkrap mu; shi bai nhtang wa lu na n rai; shi a dai daw ga hpe bai mu lu na n rai.

SHARUNG SHAYAWT 3:15

Shi ngai hpe hkri hkup ai hte jahpring nna, lashi pila hte shanang ni ai.

LUKA 22:44

Myit masin nachying nni nkri hkrum ai majaw, shi grau nna akyu hpyi shaja wu ai: shi a salat mung, sai tum sai pa zawn ga de hkrat lu ai.)

HEBRE 5:7

Dai hkinjawng wa gaw, dinghta hkum shan hte naw pra nga ai nhtoi hte hta, si ai kaw na shi hpe mawai la lu ai wa kaw, akyu hpyi ai ga hte tawngban ai ga hpe, hkrap ngu hkrap ngoi nna myi prwi law law hte nawng ya ngut yang, shi a hkum tsup ai myit majaw hkap madat la ya ai hkrum nhtawm,

TARA AGYI 21:2

Shaloi amyu masha ni gaw, Betela shara de sa du nna, Karai Kasang a man e shana de du hkra dung nga let, ja ja jahtau hkrap ma ai gaw,

RUHTA 1:20

Shi chyawm gaw, “Ngai e, Naomi, hkum ngu ma ni; Mara she ngu mi; N-gun Chyalai rawng ai wa gaw, nachying hka ai hku ngai hpe shatai ni ai.

1 SAMUELA 1:11

Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.

1 SAMUELA 1:9

Shing rai Shilo mare e lu sha ngut jang Hana rawt sa wa ai. Dai shaloi e hkinjawng Eli gaw, Yehowa nawku nta chyinghka hkadun makau e, shi a tingnyang hta dung nga ai.