1 PETRU 5:6 - Jinghpaw Hanson Version Bible

⁶ Dai rai nna, Karai Kasang gaw ram ging ai aten e, nanhte hpe shagrau shatsaw dat myit ga, shi a n-gun rawng ai lata npu e, tinang dai myit anem nga mu:

Jinghpaw Common Language Bible 2009

⁶ Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.

1 PETRU 5:6 ပူးပေါင်းရင်းမြစ်များ

1 HKAWHKAM 21:29

“Ahab gaw nye a man e kaning rai myit nem nga ai gaw, nang mu da wu ni: shi nye a man e myit nem nga ai majaw, ndai tsin-yam tsindam hpe shi a aprat hta n rai, kasha aprat hta e she, shi a nta ntsa e, ngai shapraw dat na we ai,” ngu wu ai.

2 HKAWHKAM 22:19

ndai shara hte dai hta e nga ai masha ni gaw, katsi katsang shara hte dagam dala hkrum ai amyu tai na mara ai, nga nna ngai tsun ai ga hpe nang na ai shaloi, nang myit kya nna, Yehowa a man e myit shagrit nga ai hte, na a hpun palawng hpe gang je kau nna, nye a man e hkrap ngu hkrap ngoi nga ndai majaw, ngai Yehowa nan na a ga hpe madat mara ya sade ai.

2 HKAWHKAM LABAU 12:12

Ya shi gaw tinang hkum hpe shagrit kau wu ai majaw, Yehowa a pawt bu ai shi kaw na nhtang wa nna, shi hpe atsai awai jahten kau; wu ai n rai: dai hta n-ga, Yuda mung hta e mung, mai kaja ai gaw nga nga ai.

2 HKAWHKAM LABAU 30:11

Rai timung, Ashe, Manashe hte Zebulun ginwang hta na masha nkau mi gaw, tinang myit nem nna, Yerusalem de lung wa ma ai.

2 HKAWHKAM LABAU 32:26

Hezekia chyawm gaw shi myit kaba ai yubak a majaw, Yerusalem masha ni hte rau myit nem nga nna, Yehowa a pawt sindawng ai gaw, shi a prat dingsa e, shanthe a ntsa e n du nga ai.

2 HKAWHKAM LABAU 33:12

Shing rai ruyak hkrum yang, shi a Karai Kasang Yehowa hpe akyu hpyi nna, kaji kawa ni a Karai Kasang man e ja ja myit nem let,

2 HKAWHKAM LABAU 33:19

Shi akyu hpyi nna, Karai Kasang hpe tawngban ai lam, shi myit garai n nem yang na, shi a yubak mara, shi shut hpyit ai hte tsaw ai kawng ni a shara ni de da nna, Asherim sumla ni hte tawk ka ai sumla ni hpe shadun ai lam, myihtoi ni a laika hta ka da nga ai.

2 HKAWHKAM LABAU 33:23

Shi gaw kawa Manashe zawn, Yehowa man e myit n nem ai sha, ndai Amon gaw grau nna je je shut hpyit nga ai.

2 HKAWHKAM LABAU 36:12

Shi gaw shi a Karai Kasang Yehowa man e n hkru ai amu galaw nga ai; Yehowa a ga htawn tsun ai myihtoi Yeremia man e shi myit nem nga ai n rai.

YOBA 36:22

Yu u, Karai Wa gaw shi a n-gun atsam hte tsaw htum ai amu galaw nga ai; shi zawn re ai sara kadai rai nga a ta?

SHAKAWN KUNGDAWN 75:10

Yubak kap ai ni a nrung nlang hte hpe, ngai daw kau na nngai; Dingman ai ni a nrung chyawm gaw, sharawt da ai hkrum na ra ai.

SHAKAWN KUNGDAWN 89:13

Na a lahpum wa-ngan lahpum rai nga lit dai; Na a lata n-gun ja nga ai, na a hkra lata sharawt nga ndai.

PRU MAT 10:3

Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning nga ai: “Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u:

PRU MAT 3:19

Egutu hkawhkam chyawm gaw, nsam kaba sha n hkrum hkrum gaw, nanhte hpe sa wa na ahkang jaw na myit dai n rai, ngai chye nngai.

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 40:4

hkaraw hkamwam shagu hpe, gaw shatsaw na ra ai; bum hte kawng shagu hpe shanem na ra ai; hkalik hkalawk re ai shara pri mat na ra ai; machyawk marawk re ai shara layang tai na ra ai:

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

YEREMIA 13:18

Tinang hkum hpe shagrit nna dung nga mu; nan a arawng sadang janmau gaw, nan a baw na malaw mat sai, ngu nna hkawhkam wa hte kanu hpe tsun nu;

YEREMIA 44:10

Shanhte gaw dai ni du hkra myit nem ai n rai; hkrit kamyin ai myit rawng nga ai n rai; nye a tara lam hkan nang ma ai n rai; nanhte hte nanhte a nji nwa ni a man e tawn da ai matsun maroi ga hpe, hkan shatup ma ai n rai.

EZEKELA 17:21

Shi hte rau hprawng mat wa ai ni hte, shi a hpyen masha ni yawng, nhtu hte si nna, naw ngam nga ai ni gaw, nbung bung shagu de bra mat na mara ai: shaloi, ngai Yehowa nan dai lam tsun nga ai hpe, nanhte chye lu na marin dai, nga ai.

EZEKELA 21:6

“Bai Yehowa a mungga ngai kaw du nna,

Daniela 5:22

Nang shi a kasha Belashaza e, ndai lam yawng hte hpe chye ninglen, na a myit hpe shagrit da wu ai, n rai;

JAW JAU 26:41

ngai mung shanhte hte nhtan shai nna, masha tsasam a mung de sa kau ai hpe mung, dum nna yin la na mara ai: shing rai, shanhte a matu n gadoi ai myit hpe shagrit nna, ngai jahkrum ai ari hpe yin la ma yang gaw,

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

MAHTE 23:12

Kadai rai timung tinang hkum hpe shagrau ai wa gaw, grit mat wa na ra ai: tinang hkum hpe shagrit ai wa chyawm gaw, grau wa lu na ra ai.

LUKA 1:52

Du magam ni hpe tingnyang na jahkrat kau nna, myit gyip ai ni hpe shagrau ya nu ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

ROMA 5:6

Anhte naw, gawng kya nga ga yang, ladaw da ai ahkying hta e, Hkristu gaw tara n hkungga ai ni a matu mara si hkam sai.

1 KORINHTU 10:22

Dai Madu hpe anhte nhkap shapawt na gaw ni? anhte gaw shi hta n-gun grau nga ga ni?

TARA JAHPRANG 32:35

Matai htang na ahkang ngai lu da we ai; Shanhte a lagaw kashawt ai shani e, ngai tai na we ai: Kyin dut hkrum na nhtoi shanhte kaw du magang ra ai, Shanhte hkrum na ari gaw du lawan ra ai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

TITU 1:3

Dai htani htana asak lam, masu magaw n chye ai Karai Kasang gaw, moi chyaloi nhkoi kaw na ga ndat tawn da timung, shi madat da ai aten ladaw e sha, tara hkaw dan ai ga hte shapraw dan nna,

YAKU 4:10

Dai Madu a man e myit shanem nga mu, shaloi shi nanhte hpe shagrau na marin dai.

YAKU 4:7

Dai re ai majaw, Karai Kasang a npu e a taw nga mu: nat gumlau hpe ban hkum kau mu; shaloi shi nanhte kaw nna hprang mat na ra ai.

YAKU 5:10

Hpunau ni e, dai Madu a amying nsang hte hkaw tsun dan ai myihtoi ni a nni nkri hkrum ai hte, shakut sharang nga ai myit gaw, nanhte a ningli tai wa malit ga.