1 PETRU 5:5 - Jinghpaw Hanson Version Bible

⁵ Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

Jinghpaw Common Language Bible 2009

⁵ Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

1 PETRU 5:5 ပူးပေါင်းရင်းမြစ်များ

2 HKAWHKAM LABAU 6:41

Dai re ai majaw Yehowa Karai Kasang e, rawt u, nang hte na a sumpu a daru magam na a shanu ai shara hta anga nga u ga: Yehowa Karai Kasang e, na a hkinjawng ni hkye hkrang la ai hpe bu hpun nna, na a chyoi pra ai ni chyeju hta kabu gara nga mu ga.

YOBA 22:29

Kadawng yu wa timung, bai lung wa na nngai, nga nna tsun na ndai: Myit gyip ai wa hpe shi hkye la na ra ai.

YOBA 29:14

Ngai gaw dinghpring ai hpe hpahpun shatai nna, dai gaw nye a hpun palawng rai nga ai. Ngai dawdan ai lam nye palawng galu hte janmau rai nga ai.

SHAKAWN KUNGDAWN 132:16

Shi a hkinjawng ni hpe hkye hkrang la ai lam hte ngai jahpun na mawe ai: Shi a chyoi pra ai ni gaw kabu gara ai hte jahtau na ma ai.

SHAKAWN KUNGDAWN 132:9

Na a hkinjawng ni dinghpring ai hpe bu hpun nna, Na a chyoi pra ai ni kabu gara let jahtau nga mu ga.

SHAKAWN KUNGDAWN 138:6

Yehowa gaw tsaw htum nga timung, Myit gyip ai ni hpe mada yu nga ai; Gumrawng ai ni hpe chyawm gaw, shi tsan tsan kaw nna chye da mu ai.

GA SHAGAWP 25:7

Kaning rai nme law, nang mu mada lu ai du wa man e shagrit kau hkrum ai hta, “Nang de lung rit,” nga ai ga hpe grau na mai nga ai.

GA SHAGAWP 3:34

Gaja wa jahpoi asawng ai ni hpe shi jahpoi asawng kau nga ai; Myit gyip ai ni hpe chyeju myit madun nga ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

EZEKELA 26:16

Dai shaloi e nammukdara agyi ni yawng tinang tingnyang na yu nna, palawng galu hpe raw kau nhtawm, maka ka ai palawng hpe raw kabai kau na mara ai; shanhte gaw hkrit gari ai bu hpun na mara ai: ga hta dung nga nna tut hkrit gari let, nang hta byin ai amu majaw, shanhte mak mat na mara ai.

Daniela 11:12

Dai wunawng wuwa ni bawng rim wa ai hkrum nna, dingda hkawhkam wa a myit masin kabu na ra ai; shi gaw hkying mun ni hpe dang kau timung, dai hta shi a matu akyu n pru nga ai.

JAW JAU 19:32

Baw hpraw sai wa a man e nang rawt tsap lu na rai ndai; dingla wa a myi man hpe hkungga lu na rai ndai; na a Karai Kasang hpe hkrit hkungga nga lu na rai ndai; ngai gaw Yehowa rai nga nngai.

LUKA 22:26

Nanhte chyawm gaw shing rai na n rai: nanhte hta, grau kaba ai wa gaw, aprat kaji ai wa zawn rai u ga; up hkang ai wa mung, shangun ma zawn rai u ga.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

EHPESU 5:21

Hkristu hpe hkrit kamyin ai hte nanhte shada da a npu e a taw nga mu.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

1 TIMOHTI 5:1

Hpung salang wa hpe hkum daru kau u, kawa hpe zawn shi hpe shadum jahprang u; shabrang ni hpe kahpu kanau zawn,

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 4:1

Shing rai, Hkristu gaw dai hkum shan hta nni nkri hkrum nu ai rai nna, dai hkum shan hta nni nkri hkrum ai wa gaw, yubak hte hka mat lu ai majaw,

1 PETRU 4:5

rai timung, ahkrung nga ai ni hte si mat ai ni hpe dawdan na jin jin rai nga ai wa a man e, shanhte nan lala, jahpan gawn dan na maru ai.