1 PETRU 5:4 - Jinghpaw Hanson Version Bible

⁴ Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

Jinghpaw Common Language Bible 2009

⁴ Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

1 PETRU 5:4 ပူးပေါင်းရင်းမြစ်များ

SHAKAWN KUNGDAWN 23:1

Yehowa ngai sagu hpe rem ai wa rai nga ai; Ngai hpa mung n ra nngai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

EZEKELA 37:24

Shaloi nye a shangun ma Dawi shanhte a hkawhkam tai nna, shanhte yawng sagu rem wa langai sha lu na mara ai; nye a hkang da ai ga hpe shanhte hkan nang nna, nye a matsun maroi ga hpe hkan shatup na mara ai.

Daniela 12:3

Nyan rawng ai ni gaw, sumsing lamu a nhtoi zawn, masha law law hpe dinghpring ai maga de jashawn ai ni gaw, shagan ni zawn, htani htana prat dingsa e htoi tu kabrim na mara ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

1 KORINHTU 9:25

shingjawng poi hta hkying hkat ai ni gaw, lam shagu hta htang gam nga ma ai. Shanhte gaw hten byak chye ai janmau lu la hkra sharang ma ai; anhte chyawm gaw hten byak n chye ai janmau lu la hkra sharang ga ai.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

1 PETRU 1:4

n run n hten ai, awu asin n re ai, n wai n mat ai sali wunli hpe hkam la lu na matu, shi a galu kaba ai chyeju majaw, shi anhte hpe bai shangai mi ai:

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 3:11

Ngai alawan du na ring ngai; na a janmau hpe kadai mung n la kau ya u ga, nang lu ai made hpe a sin nga u.