1 PETRU 5:3 - Jinghpaw Hanson Version Bible

³ dai hpung hpe madu mayu ai myit hte n re ai sha, dai hpung hta lawm ai ni a man e ningli apawt tai nga myit ga.

Jinghpaw Common Language Bible 2009

³ Nanhte bau maka na matu nanhte a lata hta ap da sai dai hpung hpe up Madu mayu ai myit hte n re ai sha dai sagu hpung a matu kasi ningli kaja ni tai nga mu.

1 PETRU 5:3 ပူးပေါင်းရင်းမြစ်များ

SHAKAWN KUNGDAWN 33:12

Karai Kasang ngu ai, Yehowa hpe nawku ai amyu hte, Sali wunli matu shi lata la ai abaw gaw, a nga ai.

SHAKAWN KUNGDAWN 74:2

Moi moi e nang mari da ai na a hpung hpe, Nang dung nga yu ai Ziun bum hte, Nang hkrang shaw la ai sali wunli amyu hpe, dum nga u.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

YAWHAN 13:15

Nanhte hpe ngai galaw ai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

1 KORINHTU 11:11

Rai timung, dai Madu hta e, lasha n lawm yang gaw numsha hpa n rai nga ai; bai, numsha n lawm yang gaw lasha mung hpa n rai nga ai;

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

2 KORINHTU 1:24

Ning nga tsun ai gaw, nanhte a kamsham ai hpe anhte madu nga ai n re ai sha, nanhte a kabu gara ai hta shingdep shingtau ai ni anhte rai nga ga ai; kaning rai nme law, kamsham ai hta nanhte grin grin tsap nga myit dai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

TARA JAHPRANG 32:9

Yehowa a kamhtaw chyawm gaw, shi a mayu rai nga ai, Yaku gaw shi a sali wunli rai nga ai.

HPILIPI 3:17

Hpunau ni e, nanhte hpawm nna nye a samnang ai ni tai nga mu; anhte gaw nanhte a ningli tai ga ai hte maren, dai zawn hkan nang ai ni hpe yu matsing nga mu.

HPILIPI 4:9

Ngai kaw e, nanhte sharin la nna hkap la ai hte, na yu nna mu yu ai lam hte hpe, hkan galaw nga mu: shaloi ngwipyaw ai a npawt Karai Kasang gaw, nanhte hte rau anga nga na ra ai.

1 HTESALONI 1:7

Makedoni mung hte Ahkaia mung na kamsham ai ni nlang a kasi kamang tai wa manit dai.

2 HTESALONI 3:9

Shing rai galaw ai gaw, ahkang n lu ga ai majaw n re ai sha, nanhte hkan sharau lu na len ningli tai malit ga she, anhte hkum nan nanhte a matu mara ningli tai saga ai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

TITU 2:7

lam shagu hta kaja reng ai magam bungli a ningli nang hkum nan madun dan u:

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.