1 PETRU 5:2 - Jinghpaw Hanson Version Bible

² nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

Jinghpaw Common Language Bible 2009

² Karai Kasang nanhte hpe ap ya da sai sagu hpung a sagu rem ai ni zawn, Karai Kasang galaw shangun mayu ai hku hte maren myit lawm ai hte kabu gara let bau rem gawn lajang nga mu. Ja gumhpraw shabrai lu na matu sha galaw ai hku n rai, kaja wa daw jau mayu ai shawang myit hte daw jau mu.

1 PETRU 5:2 ပူးပေါင်းရင်းမြစ်များ

2 HKAWHKAM 12:6

hkinjawng ni langai hte langai tinang hte chye chyap ai ni kaw na lahkawn la nhtawm, dai nta hta hten run ai shara shagu hkan e galaw lajang mu, ngu nna hkang da mu ai.

Shawlumon A Mahkawn Ga 1:8

Numsha ni hta grau tsawm ai na e, nang n chye yang, Sagu hpung ni a lagaw hkang hkan sa nna, Sagu rem ai ni a sum ni makau e, na bainam kasha ni hpe rem nga u.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

ESAIA 6:8

Bai ngai gaw, “Ngai kadai hpe shangun dat na i? anhte a matu kadai wa sa na i?” nga nna Madu san ai nsen hpe na nngai. Dai rai nna ngai gaw, “Ngai nga nga nngai, ngai hpe shangun dat e,” ngu nna htan we ai.

ESAIA 63:11

Shaloi Yehowa gaw moi na nhtoi ni hpe mung, Mawshe hte shi a amyu masha ni hpe mung dum nna, Tinang a masha ni hpe sagu rem ni hte hpawn, nammukdara na woi shapraw ai wa gaw, kanang rai nga a ta? shanhte a ka-ang e shi a Chyoi pra ai Wenyi bang da ai wa gaw, kanang rai nga a ta?

YEREMIA 13:17

Nanhte dai ga hpe n madat mara nga ai rai yang, nanhte a gumrawng gumtawng ai majaw, nye a myit masin n dan n leng ai shara e hkrap nga na ra ai; Yehowa sagu hpung hpe rim la ai majaw, nye a myi grai hkrap nna, myi prwi lwi na ra ai.

YEREMIA 13:20

Mada yu mu, dingdung maga de na sa wa ai ni hpe azi yu mu: ngai nang hpe jaw ai, tsawm htap ai sagu hpung, kanang rai nga a ta?

YEREMIA 6:13

“Shanhte yawng, kaji htum ai wa kaw nna, kaba htum ai wa du hkra, lawhpa myit rawng ma ai; myihtoi wa kaw nna hkinjawng wa du hkra, langai hte langai, masu magaw lam hkan ma ai.

YEREMIA 8:10

Dai re ai majaw, shanhte a madu jan ni hpe tsasam masha ni a lata de ngai ap kau na nngai; shanhte a yi hkauna ni hpe masha kaga ni madu sha na mara ai: kaning rai nme law, kaji htum ai wa kaw nna kaba htum ai wa du hkra, yawng hte gaw lawhpa myit rawng ma ai: myihtoi wa kaw nna hkinjawng wa du hkra, langai hte langai masu magaw lam hkan ma ai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

EZEKELA 34:31

“Nye a udat shara hta nga ai, nye a sagu hpung e, nanhte shinggyim masha hkrai rai nga timung, ngai gaw nanhte a Karai Kasang rai nga nngai,” nga nna Madu Yehowa tsun ai.

EZEKELA 46:24

Shaloi shi gaw, “nawku nta hte seng ai hkinjawng ni gaw, mung masha ni a shagu hkungga ni hpe shadu ai shara ni da ndai rai nga ai,” nga nna ngai hpe tsun ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

ZEHKARIA 11:17

Sagu hpung hpe kau da ai, n hkaw ai sagu rem wa gaw, dingnye lu u ga: shi a lahpum hte, hkra maga na myi hta, nhtu tsin-yam du u ga: lahpum ting hkraw kap mat u ga, hkra maga na myi kyaw mat u ga,” nga ai.

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

KASA 20:29

Ngai pru ai hpang, Hpung hpe matsan n dum ai, n hkru ai chyahkyawn, nanhte hta shang na ra ai, ngai chye nga nngai:

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

ROMA 1:15

Dai rai nna, nanhte Roma ni hpe mung dai kabu gara shiga hkaw tsun dan na, ngai mahtang myit hkut da ni ai.

1 KORINHTU 9:7

Kadai wa mi tinang a jarit hte majan amu gun a ta? Sun galaw nna dai hta na n di sha ai, kadai wa rai ta? Yamnga rem nna, yamnga chyu n lu n sha ai, kadai wa rai ta?

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

1 TIMOHTI 3:8

Dai hte maren hpungtau ni mung, shatep shingdi re ai ni rai lu na rai: ga mashe n rawng ai, tsabyi n lu lai ai hte, n seng ai amyat n marin ai sha,

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 3:1

Ahkang aya lu ai du ni a npu e taw nga nna, madat mara nga na hte, kaja reng ai magam bungli shagu a matu chyip chyip rai nga let,

HPILEMON 1:14

na a chyeju gaw kaning n chyum nna n re ai sha, myit ra ai hku san san rai u ga, na a myit n lawm yang gaw, ngai kaning mung n rai mayu nngai.

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.