1 PETRU 5:14 - Jinghpaw Hanson Version Bible

¹⁴ Nanhte shada da tsawra ai pup ai hte a shakram nga mu. Hkristu hta e lawm ai ni nlang hte kaw, ngwipyaw nga myit ga law.

Jinghpaw Common Language Bible 2009

¹⁴ Nanhte shada da tsaw ra ai pup ai hte shakram hkat nga mu. Hkristu a masha ni nlang hte hta ngwi pyaw ai gaw anga nga u ga law.

1 PETRU 5:14 ပူးပေါင်းရင်းမြစ်များ

MAHTE 5:47

Nanhte a nhpu nnau ni hpe sha hkrum shaga myit yang gaw, hpa grau shara nga na myit ta? tara maigan ni mung, dai hte maren galaw ma ai, n rai ni?

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

YAWHAN 20:19

Dai re ai majaw, dai nhtoi bat shawng shani na nsin rim e, Yuda masha ni hpe hkrit ma ai majaw, sape ni nga ai nta e chyinghka ni la kau ma sayang, Yesu sa du nna shanhte a ka-ang e tsap let, “Nanhte ngwipyaw nga myit ga,” ngu nna shanhte hpe tsun wu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna, Htawma mung shanhte hte rau rai nga ai. Chyinghka la da nga yang, Yesu sa du nna shanhte a ka-ang e tsap let, “Nanhte ngwipyaw nga myit ga law,” ngu wu ai.

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 16:16

Nanhte shada da chyoi pra ai pup hte shakram ya mi. Hkristu hta de ai Hpung ni yawng hte gaw, nanhte hpe shakram dat ma ai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 16:20

Hpunau ni yawng nanhte hpe shakram dat ma ai. Nanhte shada da chyoi pra ai pup hte shakram ya mi.

2 KORINHTU 13:12

Nanhte shada chyoi pra ai pup hte shakram ya mi. Chyoi pra ai ni yawng mayawng nanhte hpe shakram dat manit dai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

EHPESU 6:23

Kawa Karai Kasang hte, Madu Yesu Hkristu kaw nna, ngwipyaw ai hte makam masham hta lawm ai tsawra ai gaw, hpunau ni kaw anga nga u ga.

1 HTESALONI 5:26

Hpunau ni yawng hte hpe, chyoi pra ai pup hte shakram ya mi.

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

3 YAWHAN 1:14

Dai hta kaga, gade n na yang, nang hpe hkrum lu na ngai myit mada nga nngai; shaloi jang, an lahkawng n-gup ga hte tsun chyai lu na ga ai.