1 PETRU 4:9 - Jinghpaw Hanson Version Bible

⁹ Aput apai n nga ai sha, nanhte shada da manam daw ai lam adaw nga mu.

Jinghpaw Common Language Bible 2009

⁹ Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

1 PETRU 4:9 ပူးပေါင်းရင်းမြစ်များ

NINGPAWT NINGHPANG 24:19

Shi hpe jaw lu ngut jang, “Na a gawla-uk ni hpe mung hkru hkra ngai ja jaw na we ai,” nga nna,

ROMA 12:13

chyoi pra ai ni a ra ai lam a matu mara gam jaw nga mu; manam daw ai lam hta sharau nga mu.

ROMA 16:23

Ngai hpe mung, Hpung ting hpe mung, manam daw ai madu Geu gaw nanhte hpe shakram dat ai. Dai mare na gumhpraw dek up ai wa Erastu hte, hpunau Kuartu yan gaw nanhte hpe shakram ma ai.

2 KORINHTU 9:7

Langai hte langai tinang a kraw lawang e myit da ai hte maren jaw u ga: lahpawt ai myit hte n rai, jaw shangun ai majaw sha mung n re ai sha, Karai Kasang gaw kabu gara ai myit hte jaw ya ai wa hpe tsawra nga ai.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

TITU 1:8

manam daw ra ai, mai kaja ai lam tsawra ai, si si re ai, dinghpring ai, chyoi pra ai, tinang hkum hkang chye ai wa hte,

HPILEMON 1:14

na a chyeju gaw kaning n chyum nna n re ai sha, myit ra ai hku san san rai u ga, na a myit n lawm yang gaw, ngai kaning mung n rai mayu nngai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

HEBRE 13:2

Manam daw ai lam hkum malap kau myit: dai lam hta nkau mi gaw ndum n chye ai she, lamu kasa hpe daw hkrup masai.

YAKU 5:9

Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.