1 PETRU 4:8 - Jinghpaw Hanson Version Bible

⁸ Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.

Jinghpaw Common Language Bible 2009

⁸ Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

1 PETRU 4:8 ပူးပေါင်းရင်းမြစ်များ

GA SHAGAWP 10:12

N dawng n yawt ai myit gaw, ga law ga la shapraw nga ai; Tsawra ai myit chyawm gaw, yubak yawng hpe magap kau nga ai.

GA SHAGAWP 12:16

Myit n su ai wa pawt kahtet yang, alawan dan nga ai; Hpaji rawng ai wa chyawm gaw, kaya kahpa ip da nga ai.

GA SHAGAWP 17:9

Masha wa mara hpe magap da ai wa gaw, tsawra galaw nu ai; Tsun shabrawng dat ai wa chyawm gaw, jinghku ni hpe shabra kau nu ai.

GA SHAGAWP 18:13

Naw n sagawn yu ai, ga htan ai wa gaw, Angawk ai mara hte kaya kahpa hkrum na ra ai.

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

KOLOSE 3:14

Dai nlang hte a ntsa e hkum tsup re ai makyit sumri ngu ai tsawra ai myit hpe kahtap hpun nga mu.

1 HTESALONI 3:12

Anhte a Madu Yesu gaw shi a chyoi pra ai ni yawng hte rau bai du wa ai shaloi e, anhte a Wa Karai Kasang a man e nanhte a myit masin hpe chyoi pra ai hta yubak n kap let, shangang jahkang ya u ga,

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.

1 TIMOHTI 1:5

Dai daru jet kau ai ga a chyahtum chyawm gaw, san seng ai kraw lawang hte mai kaja nga ai myit nsam a tsawra ai hte, sawt ai n lawm ai makam masham nan, rai nga ai.

HEBRE 13:1

Hpunau shada tsawra ai myit tutnawng rai nga myit ga.

YAKU 5:12

Ya mahkra hta n-ga nye a hpunau ni e, hpa hpe mung dagam dala hkum nga myit: sumsing lamu hte dinghta aga hpe dagam dala hkum nga myit: dagam dala ai ga kaga mung hkum tsun nga myit. Nanhte dawdan ai n hkrum myit ga, nanhte a aga gaw, Re ai gaw, re ai, N re ai gaw, n re ai, rai nga malit ga.

YAKU 5:20

yubak galaw ai wa hpe, shi a shut hpyit ai lam hta na shabai dat wu ai wa gaw, myit masin hpe si ai kaw na hkye hkrang la wu ai rai nna, yubak sumpum hpe makoi magap ai rai nga ai, dum hprang nga mu law.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

3 YAWHAN 1:2

Tsawra ai wa e, na a myit masin ngamu ngamai nga ai hte maren, lam shagu hta e nang ngamu ngamai rai nna hkam kaja nga lu n ga, ngai hpyi nem nga nngai.