1 PETRU 4:7 - Jinghpaw Hanson Version Bible

⁷ Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

Jinghpaw Common Language Bible 2009

⁷ Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 4:7 ပူးပေါင်းရင်းမြစ်များ

NINGPAWT NINGHPANG 19:35

Dai shana mung shan gaw kawa hpe tsabyi jaw nhtawm kanau jan mahtang shang nna kawa hte rau yup wu ai; shi yup lawm ai mung, shi rawt wa ai mung kawa gaw n chye wu ai.

NINGPAWT NINGHPANG 6:13

Shaloi Karai Kasang Noa hpe tsun wu ai gaw, “Dinghta hkum shan yawng mayawng a chyahtum gaw nye a man e pru ra ai; kaning rai nme law, dai ni a majaw dinghta ga gaw kashun kashe re ai hte hpring chyat nga ai: dai rai nna, yu u, ga hte nawng, ngai shanhte hpe jahten kau na mawe ai.

HPAJI NINGLI 7:2

Poi galaw ai nta de sa na hta, mang taw ai nta de sa na grau mai nga ai: kaning rai nme law, dai gaw masha yawng a jahtum ai lam rai nga nna, naw hkrung nga ai ni nlang, myit dum na mara ai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

EZEKELA 7:6

Htum mat ai du ra ai, dai htum mat ai du ra ai; nang hpe la let du ra ai; yu u, dai gaw du ra ai.

MAHTE 24:42

Dai rai nna, nanhte a Madu gaw gara shani e du wa na hpe nanhte n chye myit dai majaw, a maja nga mu.

MAHTE 25:13

Dai rai na, dai shani rai timung, dai ahkying rai timung, nanhte n chye myit dai majaw, a maja nga mu.

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

LUKA 22:46

rawt mu, gunglau ai de n lawm myit ga akyu hpyi nga mu,” ngu nna shanhte hpe tsun mu ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

1 KORINHTU 15:24

dai hpang e chyahtum ladaw du na ra ai; dai shaloi e shi gaw Kawa Karai Kasang kaw dai mungdan hpe ap ya na ru ai rai nna, du aya yawng mayawng mung, up ai ahkang hte hpung shingkang yawng mayawng hpe mung, shi yeng kau ngut nu ai:

1 KORINHTU 7:29

Bai, hpunau ni e, dai lam ngai tsun nngai gaw, ahkying ladaw gying mat wa sai; shing rai ya kaw nna gaw, num lu ai ni, n lu ai zawn, rai wa manu ga;

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

HPILIPI 4:5

Masha yawng mayawng nanhte a sumnung ai myit hpe chye wa mu ga. Dai Madu gaw ni magang wa ra ai.

KOLOSE 4:2

Akyu hpyi ai hta shakut sharang rai nga mu, dai hta e a maja nga let shakawn kungdawn nga mu.

2 TIMOHTI 4:5

Nang chyawm gaw, lam shagu hta htauli htaula nga u; nni nkri hkam sharang nga u; kabu gara shiga hkaw dan ai sara a amu gun hpai nga u; na a sara aya a amu hpe hkum tsup hkra shatup u.

TITU 2:12

tara n hkungga ai myit hte mungkan ga hpe marin marit ai lam koi kau nhtawm, ndai prat e si si re ai hte dinghpring nna tara hkungga ai lam hkan nang lu hkra,

HEBRE 10:25

nkau mi wa htung nga ai zawn, anhte gaw tinang a zuphpawng ai lam hpe n koi n kau ai sha, shada da hpe shadum jahprang nga ga: dai nhtoi du magang ra ai hpe, nanhte chye myit dai majaw, shing rai shadum jahprang shara grau nna rai nga ai.

HEBRE 9:26

shing rai nawng ya ai rai yang gaw, ginding aga lat kaw nna law law lang si hkam hkam rai na nu ai; ya chyawm gaw, shi hkum dai nawng ya kau ai a marang e, yubak hpe yeng seng kau na matu, ndai prat a jahtum e, shi lang mi sha dan pru wu ai.

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

1 PETRU 3:7

Dai hte maren, lasha ni e, chye chyang ai hku hkan nna, n-gun kya ai hkumhkrang ngu ai numsha hte rau kanawn mazum nga mu: nanhte a akyu hpyi ai ga gang kau ya ai n hkrum myit ga, nanhte hte maren asak a sali wunli akyu lu la na ni hpe zawn, shanhte hpe hkungga lara di mu.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.