1 PETRU 4:5 - Jinghpaw Hanson Version Bible

⁵ rai timung, ahkrung nga ai ni hte si mat ai ni hpe dawdan na jin jin rai nga ai wa a man e, shanhte nan lala, jahpan gawn dan na maru ai.

Jinghpaw Common Language Bible 2009

⁵ Rai ti mung shanhte gaw hkrung nga ai ni hte si mat ai ni hpe tara daw dan na matu shajin tawn nga ai Karai Kasang a man de shanhte nan a jahpan dan lu na rai ma ai.

1 PETRU 4:5 ပူးပေါင်းရင်းမြစ်များ

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

EZEKELA 18:30

Dai rai nna, Israela dap e, nanhte langai hte langai a arawn alai hte maren, ngai nanhte hpe jeyang na nngai,” nga nna Madu Yehowa tsun ai. “Kayin marit; nanhte a tawt lai ai lam mahkra hta na kayin marit: shing rai nanhte gaw, yubak mara majaw, ahtu kataw hkrum na n rai.

MAHTE 12:36

Nanhte hpe ngai tsun made ga, masha ni tsun nga ai, tinang a kaman lila ga yawng hte a majaw, tara dara ai nhtoi hta e, jahpan dan na hkrum na mara ai.

LUKA 16:2

Shaloi sahti wa gaw shi hpe shaga la nna, ‘Ngai na ai, na a lam gaw kaning re ai rai ta? na a kunhting aya a jahpan laika dan yu e; ya kaw nna kunhting amu nang galaw lu na nit dai n rai,’ ngu wu ai.

KASA 10:42

Shi Madu nan mung, hkrung ai ni hte si sai ni a tara agyi tai na, Karai Kasang san da ai wa rai nga sai lam, mung masha ni hpe tsun dan let sakse hkam na matu shi anhte hpe hkang da ma ni ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 14:9

Kaning rai nme law, si mat ai ni hte hkrung nga ai ni hpe madu nga lu hkra, Hkristu gaw si hkam nna bai hkrung rawt wa sai.

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara dara magang ra ai Hkristu Yesu a man e mung, shi a dan pru na lam hte shi a mungdan a man e mung, ngai nang hpe shadut dat de ai gaw:

YAKU 5:9

Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.