1 PETRU 4:3 - Jinghpaw Hanson Version Bible

³ Kaning rai nme law, tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla nawku na lam hta hkawm sa ai gaw, ya lai wa ai aprat hte ram la sai.

Jinghpaw Common Language Bible 2009

³ Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

1 PETRU 4:3 ပူးပေါင်းရင်းမြစ်များ

2 SAMUELA 13:28

Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

1 HKAWHKAM 21:26

Israela kashu kasha man na Yehowa shachyut kau ai Amori masha ni hkan galaw ai sumla ni nawku ai matsat shabat lam shagu hta, shi htep lahti hkan nang nga ai.

2 HKAWHKAM LABAU 15:8

Ya Asa gaw dai ga hte myihtoi Oded a myihtoi ga hpe na wu yang, shi n-gun lu la nna, Yuda hte Ben-yamin mung ting hta na mung, Ehprim bum ga na gasat dang la ai mare ni hte na mung, matsat shabat lam hte hpe yeng seng kau nna, Yehowa a nta jan man e nga ai Yehowa a tawn hkungri hpe bai lajang da wu ai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 5:11

Chyaru lu na matu jahpawt jau jau rawt nna, chyaru nang let shana shalai dat ai ni gaw, dingnye lu ma ai.

ESAIA 65:4

shanhte gaw lupwa hkan e sa dung nna, nsung hku ni hta yup nga ma ai: shanhte gaw wa shan sha nna, tinang a hka wan ni hta matsat shabat shan jahku lu nga ma ai:

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

EZEKELA 44:6

Gumlau chye ai Israela dap hpe htawn tsun u, ‘Madu Yehowa ning nga ai: Israela dap e, nanhte a matsat shabat lam ram nu ga:

EZEKELA 45:9

Madu Yehowa ning nga ai: Israela du ni e, ram manu ga; adip arip hte kashun kashe amu kau da nna, tara hte dinghpring ai lam hkan galaw mu: nye a amyu masha ni hpe zingri zingrat hkum rai myit,” nga nna Madu Yehowa tsun ai.

MARKU 7:22

hkalem ai, ngang ai, manawn masham ai, shatan nhkan ai, gumrawng ai hte angawk angak re ai myit, pru wa ai:

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

1 KORINHTU 12:2

Nanhte gaw maigan ni naw rai nga ai shaloi e, shalen la hkrum kadup ai hte maren, n chye shaga ai sumla ni hpang de nanhte woi la hkrum nga myit dai gaw, nanhte nan chye nga myit dai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

GALATI 5:19

Hkum shan a bungli gaw dan dan leng leng rai nga ai rai nna, dai hte gaw: hpye ai amu, n san n seng ai amu, ngang ai amu,

GALATI 5:21

nsu nnawn ai, chyaru nang ai, sawse lawklek ai hte bung ai lam rai nga ma ai; shing rai galaw ai ni gaw, Karai Kasang a mungdan a sali wunli hkam la lu na n rai, nga nna shawng e tsun dan ni ai hte maren, ya mung nanhte hpe tsun shadum nga nngai.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

1 HTESALONI 4:5

kadai hpe mung n tawt n lai ai hte, dai lam hta tinang a hpunau wa hpe n map n maw sha nga myit ga, dai gaw Karai Kasang a myit ra ai hku hte nanhte a shachyoi shapra na lam rai nga ai.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

1 PETRU 1:14

Nanhte mung madat mara ai ma zawn rai nga let, nanhte garai n chye ai aten na shawng na myit marin kau ai hte hpe ya n hkan dagraw ai sha;

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.