1 PETRU 4:18 - Jinghpaw Hanson Version Bible

¹⁸ “Dingman ai wa gaw, hkye hkrang la ai kaw, du yak la nga ai teng yang gaw, tara n hkungga ai hte yubak kap ai wa gaw, kanang ang bang wa na ra ta?”

Jinghpaw Common Language Bible 2009

¹⁸ Chyum Laika hta, “Kaja ai masha ni a matu hkye hkrang la hkrum na matu yak la a yang gaw, tara n hkan ai yubak lu ai ni gaw hpa byin sana kun?,” nga nna tsun ai.

1 PETRU 4:18 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

GA SHAGAWP 11:31

Yu u, dinghpring ai wa pyi, ga ntsa e ari hkrum nga ai rai yang, Tara n lang ai wa hte yubak kap ai wa grau nna hkrum na, n rai ni?

YEREMIA 25:29

nye a amying mying ai mare hpe ngai ari jaw hpang yang, nanhte gaja wa lawt lu na myit ni? nanhte lawt lu na n rai; ga ntsa ting hta nga ai ni mahkra ntsa e, ngai nhtu shapraw na nngai, nga nna Zaw nawng zaw wa up ai Yehowa tsun ai, ngu nna shanhte hpe htawn tsun mu.

EZEKELA 18:24

“Rai timung, dinghpring ai wa gaw htak mat nna, shut hpyit nga ai hte, tara n lang ai wa a matsat shabat lam mahkra hte maren hkan galaw yang, shi hkrung nga na rai ni? Shi galaw yu ai dinghpring ai amu langai mi muk matsing da na, n rai: shi tawt lai ai amu hte, shi galaw ai yubak majaw, shi si na ra ai.”

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

LUKA 15:1

Ya, kang hta ai ni hte yubak kap ai ni nlang hte gaw, shi a ga madat na nga, shi hpang de sa ma ai.

LUKA 23:31

shanhte hpun katsing hta ning di ma yang gaw, hpun chyahkraw hta kaning wa di na mara ta?” ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

KASA 27:24

‘Pawlu e, hkum hkrit et; hkawhkam Kehta a man e nang tsap lu na rin dai; yu u, nang hte rau ndai li hta jawn ai ni nlang, Karai Kasang nang hpe ap ya nit dai,’ nga nna ngai e tsun sai.

KASA 27:31

Pawlu gaw hpyen du hte hpyen ma ni hpe, “Ndai ni li e n nga sayang me, nanhte lawt lu na mi n rai sai,” ngu nna tsun mu ai.

ROMA 1:18

Kaning rai nme law, dai tengman ai lam hpe n ding n man ai hte dip shadang da ai masha ni a tara n hkungga ai hte n ding n man ai amu mahkra a ntsa e, Karai Kasang a masin pawt ai myit gaw, lamu de nna dan pru nga ai:

ROMA 5:6

Anhte naw, gawng kya nga ga yang, ladaw da ai ahkying hta e, Hkristu gaw tara n hkungga ai ni a matu mara si hkam sai.

ROMA 5:8

Rai timung, anhte yubak kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat ma ni ai.

1 KORINHTU 10:12

Dai rai nna, marai langai ngai, Ngai gaw jan rai tsap nga nngai, nga nna myit a yang gaw, shi n kadawng ai, sadi nga u ga.

1 TIMOHTI 1:9

rai timung, dinghpring ai wa a matu mara jep ai tara tawn da nga ai n re ai sha, n tara ai ni, gumlau gumle re ai ni, tara n hkungga ai ni, yubak galaw ai ni, n chyoi n pra ai ni, ga n seng ai ni, kanu kawa hpe bye kau ai ni, masha sat ai ni;

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

YAKU 5:6

Dai dinghpring ai wa hpe nanhte dawdan nna, sat kau manu ai; shi gaw nanhte hpe ban hkum nga ai n rai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.

YUDA 1:15

tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.

1 SAMUELA 15:18

bai, Yehowa nang hpe, ‘Sa su, mara law ai Amalek masha ni hpe atsai awai sat kau su; shanhte amyu matu n htum dingsa a gasat nga u,’ nga nna she, lam madun dat ai rai yang me,