1 PETRU 4:16 - Jinghpaw Hanson Version Bible

¹⁶ rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

Jinghpaw Common Language Bible 2009

¹⁶ Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.

1 PETRU 4:16 ပူးပေါင်းရင်းမြစ်များ

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

ESAIA 50:7

Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

KASA 11:26

Ya, shan gaw laning mi tup dai Hpung hte rau hpawng nga ma ai rai nna, masha law law hpe sharin shaga lu ma ai; sape ni mung, Hkristu ni, ngu ai amying hpe, Antioki mare hta shawng lu la ai rai nga ai.

KASA 26:28

Shaloi Agripa gaw Pawlu hpe, “Ga hkaw loi sha hte nang ngai hpe Hkristu a sape ganoi shatai lu da nngai,” ngu wu ai.

KASA 28:22

Rai timung, ndai hka bra Hpung gaw, shara shagu hkan e ndang kau hkrum ai lam rai nga ai hpe, anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

YAKU 2:7

Nanhte hpe shamying da ai, dan hkung ai amying nsang hpe mung, shanhte nan shatan nhkan rai ma ai, n rai ni?

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

1 PETRU 4:14

Hkristu a amying nsang a majaw, nanhte asawng asang hkrum nga myit yang gaw, nanhte a lu myit dai; kaning rai nme law, hpung shingkang a Wenyi hte Karai Kasang a Wenyi gaw, nanhte a ntsa e awam nga ai.

1 PETRU 4:19

Dai rai nna, Karai Kasang a myit da ai hku hte maren nni nkri hkrum ai ni gaw, kaja ai amu bungli galaw nga let, sadi sahka nga ai Hpan wa Ningsang a lata e, tinang a myit masin hpe ap bang ya mu ga.