1 PETRU 4:14 - Jinghpaw Hanson Version Bible

¹⁴ Hkristu a amying nsang a majaw, nanhte asawng asang hkrum nga myit yang gaw, nanhte a lu myit dai; kaning rai nme law, hpung shingkang a Wenyi hte Karai Kasang a Wenyi gaw, nanhte a ntsa e awam nga ai.

Jinghpaw Common Language Bible 2009

¹⁴ Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

1 PETRU 4:14 ပူးပေါင်းရင်းမြစ်များ

1 HKAWHKAM 10:8

Na a man e tutnawng tsap nga nna, na a hpaji ga na lu ai, na a ali ama ndai ni hte, na a mung masha ni gaw, a lu ma ai.

2 HKAWHKAM 2:15

Ya shi a tawtap e rai nga ai, Yerihko mare na myihtoi ma ni gaw shi hpe mu ma yang, shanhte gaw, “Elia a wenyi nan Elisha ntsa e shanu nga ai,” nga nna, shi hpe sa tau la ai hte, shi a man e ga de dingnyawm dagup nga ma ai.

SHAKAWN KUNGDAWN 146:5

Yaku a Karai Wa, karum ai wa rai nna, Shi a Karai Kasang Yehowa hpe, myit mada nga ai wa gaw, a nga ai.

SHAKAWN KUNGDAWN 49:9

Shanhte a gawng malai jahpu kaba nga nna, Prat dingsa e n law hkraw nga malu ai.

SHAKAWN KUNGDAWN 89:51

Yehowa e, gumlau ni nang hpe shatan ma ai rai nna, Na a namman chya hkam ai wa a lagaw hkang hpe shatan nhkan di mu ai.

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

MAHTE 5:11

Nye a lam majaw, masha ni gaw nanhte hpe asawng asang di nna zingri zingrat nga ma ai hte, masu ai hku hkan let mara amyu myu shagun da myit dai shaloi e, nanhte a lu myit dai:

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

LUKA 6:22

Masha ni gaw nanhte hpe n dawng n yawt ai hte, dai Masha Kasha a majaw shadaw jahka di kau nna, asawng asang di ai hte nanhte a mying hpe n hpru n mai ai arai hpe zawn shaden kau ai hkrum myit yang, nanhte a lu myit dai.

YAWHAN 15:21

Rai timung shanhte gaw nye amying a majaw, dai lam yawng nanhte hpe di na mara ai: kaning rai nme law, ngai e shangun dat ai wa hpe shanhte n chye ma ai.

YAWHAN 8:48

Shaloi Yuda masha ni gaw, “Nang Samari masha rai ndai, nat shang ai wa mung rai ndai, ngu nna anhte tsun ai ga gaw, jaw la nga ai n rai ni?” ngu nna shi hpe bai htan mu ai.

YAWHAN 9:28

Shaloi shanhte gaw shi hpe jahpoi asawng let, “Nang chyawm shi a sape rai nga ndai, anhte gaw Mawshe a sape ni rai nga ga ai:

YAWHAN 9:34

Shaloi shanhte gaw, “Nang wa mi hkum ting yubak hta na shangai wa da nhtawm me, anhte hpe sharin nga nni?” ngu nna jawm htan nhtawm, dai wa hpe kanawng shapraw kau mu ai.

KASA 13:45

Yuda masha ni chyawm gaw dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 18:6

Shanhte chyawm gaw hkap ndang ai hte aroi ara nga ma yang, shi palawng ahpu dan let, “Nanhte a asai gaw nanhte a baw e mara nga nu ga; ngai chyawm gaw lawt ni ai: ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 28:22

Rai timung, ndai hka bra Hpung gaw, shara shagu hkan e ndang kau hkrum ai lam rai nga ai hpe, anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

2 KORINHTU 12:10

Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

2 KORINHTU 4:10

Yesu a hkrung ai asak gaw anhte a hkumhkrang hta dan pru lu u ga, Yesu a si wa ai lam hpe anhte hkumhkrang hta tutnawng e dagraw hkawm nga ga ai.

2 KORINHTU 4:16

Dai rai nna anhte n hki n sang ga ai sha, anhte a shinggan na wa hten bya hkrum rai timung, anhte a kata de na wa gaw, lani hte lani prat bai pra wa nga ai.

GALATI 1:24

nye a lam Karai Kasang hpe shakawn kungdawn nga ma ai.

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

YAKU 5:11

Yu mu, shakut sharang lu ai ni hpe, anhte a ngu gaw ai: Yoba a myit galu ai lam nanhte na yu manit dai; dai Madu a asak htum wa ai lam mung, nanhte mu chye manit dai: dai Madu gaw nachying myit yu machyi nga ai hte matsan yu dum nga ai law.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 3:14

Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.

1 PETRU 4:16

rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

2 PETRU 2:2

Masha law law wa mung shanhte a mak mat ai lam hkan nang ma ai hte, shanhte a matu mara, dai tengman ai lam gaw, shatan nhkan hkrum mat na ra ai.