1 PETRU 4:11 - Jinghpaw Hanson Version Bible

¹¹ Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

Jinghpaw Common Language Bible 2009

¹¹ Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

1 PETRU 4:11 ပူးပေါင်းရင်းမြစ်များ

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

YEREMIA 23:22

Shanhte ngai hte bawng taw gaw, shanhte gaw nye a amyu masha ni hpe nye a ga na shangun nna, shanhte a n hkru ai lam hta na mung, shanhte a shut hpyit ai amu hta na mung, shanhte hpe shabai la na mu ai.

Daniela 4:3

Shi a lamik kumla gade wa kaba, shi a mauhpa amu hpung shingkang hpring nga a hka! Shi a mungdan htani htana mungdan rai nga ai: shi up ai ahkang aya, prat mi hte prat mi grin nga ai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

YAWHAN 13:31

Dai wa pru mat wa ai hpang Yesu gaw, “Masha Kasha gaw, ya hpung shingkang dan hkung nga ai rai nna, Karai Kasang mung Masha Kasha a hkum hta hpung shingkang dan hkung nga ai.

KASA 7:38

Nam mali e rai nga yang na shawa hpung hta, Sina bum e shi hte ga tsun ai lamu kasa hte, anhte a ji wa ni rau rai nga ai wa gaw, shi nan rai nga ai; anhte hpe ap ya na asak hkrung ai mungga hkap la ai wa mung, shi rai nga ai:

ROMA 11:36

Arai yawng mayawng hte gaw, shi kaw nna, shi a majaw, shi a matu mara pra nga ai. Shi kaw e htani htana hpung shingkang anga nga u ga law. Amen.

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

ROMA 16:27

langai sha ngu ai, hpaji rawng htum ai Karai Kasang kaw, Yesu Hkristu a marang e, htani htana e hpung shingkang anga nga u ga law. Amen.

ROMA 3:2

Lam shagu hta akyu grai nga ai. Shawng na mahtang, Karai Kasang a shingran ga shanhte hkam la lu ma ai.

1 KORINHTU 10:31

Dai re ai majaw, nanhte sha timung, lu timung, hpa galaw timung, nga manga hta Karai Kasang a hpung shingkang tam let, galaw nga mu.

1 KORINHTU 12:4

Ya, chyeju kumhpa amyu myu nga timung, dai Wenyi gaw langai sha rai nga ai;

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 9:13

ndai galaw daw ai lam hte nanhte hpe chyam yu ngut jang, Hkristu a kabu gara shiga a lam hkan nang nna madat mara nga myit dai hte, n daw n hta re ai alu kumhpa, shanhte hpe mung, mahkra hpe mung, a jaw nga ai majaw, shanhte gaw Karai Kasang hpe shagrau sha-a nga ma ai:

EHPESU 1:19

nanhte chye na lu myit ga, nanhte a kraw lawang na myi gaw htoi san wa malit ga, ngai hpyi nga nngai. Dai atsam chyawm gaw, shi a n-gun lagaw hte atsam shapraw wu ai hte maren,

EHPESU 4:29

N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 5:20

anhte a Madu Yesu Hkristu a amying nsang gang nna, Kawa Karai Kasang hpe tutnawng e lam shagu a matu, a shakawn kungdawn nga mu:

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

HPILIPI 2:11

Karai Kasang gaw shi hpe shagrau nna, amying shingteng yawng mayawng hta, grau ai amying nsang jaw da wu ai, rai nga ai.

KOLOSE 4:6

Langai hte langai hpe kaning rai htan lu na chye lu u ga, nanhte a ga hta galoi mung chyeju lawm nga nna, jum hte a shum nga u ga.

1 HTESALONI 2:4

dai kabu gara shiga lang ging ai ni ngu ai, Karai Kasang a ahkang hkam ga ai hte maren, masha hpe sharawng awng ai zawn n rai, anhte a kraw lawang hpe manaw yu ai Karai Kasang hpe sharawng awng na zawn, anhte tsun nga ga ai.

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

TITU 2:1

Nang chyawm gaw, masan maseng re ai sharin shaga ai lam hte jaw ang ai ga, a tsun nga u:

TITU 2:15

Ndai lam ni hpe ahkang aya hkum hkum hte tsun dan u, shadum jahprang nna daru sharin nga u: kadai mung nang hpe n gawn n sawn n rai mu ga.

HEBRE 13:7

Karai Kasang a mungga nanhte hpe tsun dan ai, nanhte a lam woi ningshawng ni hpe, adum nga mu: shanhte prat lai hkra hkan wa sai lailen ningli hpe myit sumru yu nna, shanhte a kamsham ai hpunda hkap hkra, hkan sharau nga mu.

HEBRE 5:12

Kaning rai nme law, aten hpe tau yu yang gaw, nanhte sara tai ram manit dai, rai timung, Karai Kasang a mungga hta na shawng na ga kanu hpe pyi, marai langai ngai e nanhte hpe naw sharin ya ra ai ni rai nga myit dai rai nna, ja ai shahpa hte n ram ai ni, chyu sha naw lu ra ai ni, tai wa manit dai.

YAKU 1:19

Nye a tsawra ai hpunau ni e, ndai lam hpe nanhte chye nga myit dai. Masha kadai wa rai timung, na la na matu lawan nga u ga; ga tsun na matu hkum tin nga u ga, masin pawt na matu mung, hkum tin nga u ga:

YAKU 1:26

Ngai gaw nawku htung shadik ai wa rai nga nngai, nga nna marai langai ngai myit nawn dam timung, tinang a shinglet hpe n chye hkang ai hte, tinang a myit hpe hkalem kau yang, dai wa a nawku htung, kaman lila sha rai nga lu ai.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 PETRU 4:10

Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.

1 PETRU 4:16

rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

1 PETRU 5:11

Shi kaw htani htana e, n-gawn tawa hpung shingkang anga nga u ga law. Amen.

YUDA 1:25

anhte a Hkye hkrang la ai Madu, langai sha rai nga ai Karai Kasang kaw, anhte a Madu Yesu Hkristu a marang e, hpung shingkang, daru magam hpung shingkang hte ahkang aya, chyi nma pri npra kaw nna, ya e rai timung, htani htana prat dingsa e rai timung, anga nga u ga law. Amen.