1 PETRU 4:10 - Jinghpaw Hanson Version Bible

¹⁰ Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.

Jinghpaw Common Language Bible 2009

¹⁰ Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

1 PETRU 4:10 ပူးပေါင်းရင်းမြစ်များ

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

MAHTE 24:14

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

MAHTE 24:21

kaning rai nme law, mungkan ga nnan lat kaw nna ya du hkra n byin yu ai hte hpang de mung n byin lu na ru tsang kaba gaw, dai shaloi e byin pru na ra ai.

MAHTE 24:45

Dai hta kaga, dai Madu gaw shi a nta masha ni a ntsa e san tawn da nna aten du jang shanhte hpe lusha karan jaw lu na, sadi ai hte myit su ai mayam gaw kadai wa rai nga a ta?

MAHTE 25:17

Lahkawng lu la ai wa mung dai hte maren ga nna, lahkawng myat la nu ai.

MAHTE 25:44

Shaloi shanhte mung, ‘Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng e nga ai hpe, anhte galoi mu nna, nang hpe n galaw daw ga ta?” ngu nna htan na mu ai.

MARKU 10:45

kaning rai nme law, dai Masha Kasha wa pyi, shangun ma hpe yam sha na, nga nna du sa ai n rai; shangun ma a amu hpe galaw daw ya na hte, masha law law a matu mara, shi asak hpe gawng malai jahpu shatai ya na, nga nna du sa ai,” ngu nna tsun mu ai.

LUKA 12:42

Dai rai nna Madu gaw, “Nta madu shi a kun dinghku ntsa e san tawn da nna, aten du jang lusha karan jaw lu na kangka re ai hte myit su ai kunhting wa, kadai rai nga a ta?

LUKA 19:13

Shaloi shi gaw shi a mayam marai shi shaga la nhtawm, gumhpraw joi shi hpra shanhte hpe ap ya da nna, ngai bai wa ai du hkra ndai hte hpaga ga mu, ngu nna shanhte hpe hkang da mu ai.

LUKA 8:3

Herod a kunhting wa Kuhta a madu jan Yawhana, Susanna hte kaga law law wa, tinang a lu su ai hte shanhte hpe galaw daw let, hkan nang ma ai.

ROMA 15:25

Ya chyawm gaw, chyoi pra ai ni hpe galaw daw let, ngai Yerusalem de sa wa nga nngai.

ROMA 15:27

Shanhte myit madu ma timung, dai gaw chyeju htang ai sha naw rai nga ai: kaning rai nme law, shanhte a wenyi wunli wun-gau hta maigan amyu ni jawm hpawm ma yang gaw, mungkan arai hte shanhte hpe galaw daw na, sut nga ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 4:7

Kaning rai nme law, kadai wa mi nang hpe ginhka shangun nga a ta? Hkam la ai sha n rai yang gaw, nang hpa lu nga a ta? Hkam la n yang gaw, n hkam la ai zawn, hpa majaw gumrawng nga n ta?

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

2 KORINHTU 9:1

Ya, chyoi pra ai ni a matu mara galaw daw ai amu a lam, ngai nanhte hpang de ka dat shara n nga nngai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

EHPESU 4:11

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

2 TIMOHTI 1:18

shi gaw dai shani e, Madu a man e matsan dum ai hkam la lu hkra dai Madu gaw shi hpe chyeju jaw u ga: Ehpesu mare e mung shi ngai hpe gade wa galaw daw sai gaw, nang atsawm sha chye nga ndai.

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.