1 PETRU 3:8 - Jinghpaw Hanson Version Bible

⁸ Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

Jinghpaw Common Language Bible 2009

⁸ Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 3:8 ပူးပေါင်းရင်းမြစ်များ

SHAKAWN KUNGDAWN 103:13

Kawa gaw kasha ni hpe matsan dum lama ai zawn, Yehowa gaw shi hpe hkrit kamyin ai ni hpe matsan dum lama nga ai.

GA SHAGAWP 28:8

Atu sha nna hkau boi hte tinang a sutgan shalaw ai wa gaw, Matsan mayan ni hpe matsan dum ai wa a matu, mahkawng da nga ai.

ZEHKARIA 7:9

‘Malang ai hku tara dara mu; langai hte langai tinang a hpunau wa hpe n-gaw nwai ai hte matsan dum ai myit madun mu;

MAHTE 18:33

ngai nang hpe matsan dum de ai hte maren, na a mayam manang hpe mung, nang matsan mai dum ndai, n rai ni? ngu wu ai.

LUKA 10:33

Samari masha langai mi mung dai lam sa wa yang, dai wa kaw du nna, shi hpe mu jang, matsan yu dum ai hte sit sa nna,

KASA 2:1

Ya Pentekoti shani du jang, shanhte nlang shara sha hta rau hpawng nga ma ai.

KASA 27:3

Hpang shani e anhte Sidon mare hta sek ga ai; Yuli gaw Pawlu hpe matsan dum nna, shi a jinghku ni kaw sa jahkrum na hte galaw daw hkam sha na matu, ahkang jaw wu ai.

KASA 28:7

Ya, dai makau hkan e, Popli ngu ai zunlawng agyi wa a ga dachyawk ni nga shajang nga ai: dai wa gaw anhte hpe hkap hkalum la nna, masum ya tup jinghku myit hte manam daw mi ai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 15:5

Ya, anhte a Madu Yesu Hkristu a Kawa rai nga ai, Karai Kasang hpe, myit mang langai sha hte n-gup ga langai sha e shakawn kungdawn nga lu myit ga,

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 12:26

Shing rai daw shan langai mi nji nmu hkrum yang, daw shan nlang hte gaw rau machyi dum ma ai; daw shan langai mi shagrau ai hkrum yang, daw shan nlang hte gaw rau kabu gara nga ma ai.

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 4:31

Myit gadun ai, sindawng katawt ai, masin pawt ai, ga law ga la ai, shatan nhkan ai amyu myu hte, n hkru n hkra ai yawng hte nawng, nanhte hte tsan gang nga u ga.

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

HPILIPI 3:16

rai timung, ya dep madep hte hte maren, dai arawn alai hta anhte hkawm nga ga.

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

HEBRE 13:1

Hpunau shada tsawra ai myit tutnawng rai nga myit ga.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

YAKU 5:11

Yu mu, shakut sharang lu ai ni hpe, anhte a ngu gaw ai: Yoba a myit galu ai lam nanhte na yu manit dai; dai Madu a asak htum wa ai lam mung, nanhte mu chye manit dai: dai Madu gaw nachying myit yu machyi nga ai hte matsan yu dum nga ai law.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:17

Nlang hte hpe hkungga lara di mu; kahpu kanau ni hpe tsawra nga mu. Karai Kasang hpe hkrit kamyin nga mu; hkawhkam wa hpe hkungga lara di mu.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

2 PETRU 1:7

tara hkungga ai hta hpunau hpe tsawra ai, hpunau hpe tsawra ai hta, n-gaw nwai ai myit, a shajat nga mu.

1 YAWHAN 3:14

Hpunau ni hpe tsawra nga ga ai majaw, anhte si ai kaw nna hkrung ai de kawt lu sagaw ai, anhte chye ga ai: tsawra ai myit n rawng ai wa gaw, si ai hta naw nga nga ai.