1 PETRU 3:7 - Jinghpaw Hanson Version Bible

⁷ Dai hte maren, lasha ni e, chye chyang ai hku hkan nna, n-gun kya ai hkumhkrang ngu ai numsha hte rau kanawn mazum nga mu: nanhte a akyu hpyi ai ga gang kau ya ai n hkrum myit ga, nanhte hte maren asak a sali wunli akyu lu la na ni hpe zawn, shanhte hpe hkungga lara di mu.

Jinghpaw Common Language Bible 2009

⁷ Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

1 PETRU 3:7 ပူးပေါင်းရင်းမြစ်များ

YOBA 42:8

Dai rai nna, nanhte gaw usu sanit, sagu la sanit, lata la nhtawm, nye a shangun ma Yoba hpang de sa nna, nanhte a matu wan nat hkungga nawng ya mu; shing rai nye shangun ma Yoba gaw nanhte matu mara tawngban na ra ai; nanhte angawk ai myit hte maren ngai nanhte hpe ari n jaw n ga, shi a myi man hpe ngai tau ya na nngai; kaning rai nme law, nanhte gaw nye a shangun ma Yoba zawn, nye a lam htaphtuk ai ga n tsun myit dai, ngu nna tsun wu ai.

MAHTE 18:19

Bai, nanhte hpe ngai tsun made ga, Nanhte hta na marai lahkawng, dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw, shan a matu dai hpe shatup ya na mu ai.

1 KORINHTU 7:3

Madu wa gaw htung hte maren madu jan hte kanawn u ga, Madu jan mung dai hte maren madu wa hte rai u ga.

EHPESU 3:6

ndai aprat e shi a chyoi pra ai kasa ni hte myihtoi ni kaw Wenyi e shadan dan ai hte maren, moi shawng na aprat ni hta e shinggyim masha ni kaw n shana ya mu ai, rai nga ai.

EHPESU 4:30

Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.

EHPESU 5:33

Rai timung, nanhte langai hte langai tinang hkum hpe tsawra ai hte maren tinang a madu jan hpe tsawra nga u ga: madu jan mung tinang a madu wa hpe hkrit hkungga nga u ga.

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

KOLOSE 3:19

La ni e, madu jan ni hpe tsawra nga nna, shanhte hpe kajet kaje hkum rai nga myit.

1 HTESALONI 4:4

nanhte langai hte langai tinang a hkrang hpe chyoi pra ai hte arawng sadang hta hkang nga nna,

TITU 3:7

dai rai nna, shi a chyeju hte dinghpring ai hkrum lu ga ai majaw, htani htana asak lu la na lam myit mada nga ai hte maren, anhte sali wunli hkam la ai ni rai na ga ai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

1 PETRU 3:1

Dai hte maren, numsha ni e, tinang a madu wa a hkang ai hku hkan nga mu: shanhte hta na langai ngai dai mungga hpe n madat ma timung, nanhte hkrit kamyin ai myit hte hkan nga ai chyoi pra ai arawn alai mada mu ma yang gaw,