1 PETRU 3:6 - Jinghpaw Hanson Version Bible

⁶ Sara gaw Abraham hpe madat mara wu ai majaw, shi hpe Madu ngu wu ai hte maren, tinang a madu wa ni a hkang ai hku hpe hkan nga ma ai: kaja ai amu galaw nna, hpa hkrit shara hta mung, n hkrit n kang nga myit yang gaw, nanhte mung Sara a shayi sha ni rai nga myit dai.

Jinghpaw Common Language Bible 2009

⁶ Sara mung dai hte maren galaw wu ai; shi gaw Abraham hpe madat mara nga let Abraham hpe shi a madu ngu nna gang shaga wu ai. Nanhte gaw hpa hpe mung n hkrit n kang ai sha mai kaja ai amu galaw nga myit yang gaw nanhte gaw ya Sara a shayi sha ni rai nga manit dai.

1 PETRU 3:6 ပူးပေါင်းရင်းမြစ်များ

NINGPAWT NINGHPANG 18:12

Dai majaw, Sara gaw, “Ya ngai gumgai ni ai, nye a madu wa mung dingla sai, dai re ai mi ngai naw pyaw na rai nga a hka i?” Nga nna shi a kraw e mani nga ai.

NINGPAWT NINGHPANG 18:15

Sara chyawm gaw, “Ngai n mani nngai” ngu nna ndang wu ai; kaning rai nme law shi hkrit nga ai. Dai wa mung, “N rai, nang mani nit dai,” ngu wu ai.

SHAKAWN KUNGDAWN 45:11

Hkawhkam wa gaw na a ahpraw tsawm ai ra a yang gaw, Na a madu wa shi rai nga ai majaw, shi hpe hkungga lara u.

ESAIA 57:11

Nang gaw masu nga ai hte, ngai hpe malap kau nna, hpa n nawn ai majaw, kadai hpe hkrit kamyin nga n ta? Ngai na na wa atsin sha nga ai majaw, nang ngai hpe n hkrit nga ai, rai ni?

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

TARA AGYI 19:26

Nhtoi htoi jang numsha gaw wa nna, shi a madu wa nga ai nta chyinghka lam e nhtoi leng hkra taw nga ai.